Աշխարհը չի հավատում թուրքերի ստերին. Ցեղասպանության համար պետք է ներողություն խնդրել. ստամբուլահայ գրող

Դեկտեմբեր 23, 2011 | 13:02
Ֆրանսիայի Ազգային ժողովում Հայոց ցեղասպանության ժխտումը քրեականացնող օրինագծի ընդունումից հետո Թուրքիայի հայտնի Kanal D հեռուստաընկերության եթերում վիճաբանել են ստամբուլահայ հայտնի գրող, լեզվաբան Սեւան Նիշանյանն ու Թուրքիայի «Ազգայնական շարժում» կուսակցության անդամ Ումիթ Օզդաղը։

Kanal D հեռուտաընկերության ուղիղ եթերով հեռարձակվող «32-րդ օր» հաղորդման ժամանակ ստամբուլահայ գրող Սեւան Նիշանյանը նշել է, թե Թուրքիան պետք ներողություն խնդրի տեղի ունեցածի համար։ «Արդեն 30 տարի է, ինչ Թուրքիան պայքարում է, սակայն աշխարհը չի հավատում թուրքական ստերին։ Թուրքիան 30 տարի էլ որ պայքարի, միեւնույնն է հաջողության չի հասնի։ Հայերը աշխարհին ընդունել են տվել Ցեղասպանության փաստը»,-ասել է Նիշանյանը։

Հայազգի գրողի խոսքերը կատաղեցրել են թուրք ազգայնականին, ով պնդել է, թե Թուրքիան մեղք չի գործել, որ ներողություն խնդրի՝ շեշտելով, թե իր կուսակցությանը, որ գա իշխանության կկարողանա հայերի դեմն առնել։


Լուրեր Հայաստանից - NEWS.am