Կարսի նահանգապետ. «Հնագույն Անի քաղաքը լքված վիճակում է»

Կարսի նահանգապետ Էյուփ Թեփեն ասել է, որ հնագույն Անի քաղաքում իրականացվում են հնագիտական պեղումներ, սակայն կատարվող աշխատանքները բավարար չեն:

Թեփեն նշել է, որ Անիի ավերակները կարևորագույն դեր ունեն Կարսի զբոսաշրջության զարգացման մեջ:

«Ցավոք Անին մի քանի տարի է, ինչ լքված վիճակում է: Մանր-մունր աշխատանքներ իրականացվում են, սակայն մենք շատ փոքր բյուջե ունենք և այս տեմպերով նույնիսկ 50 տարում Անին ոտքի չենք կանգնեցնի»,-ասել է նա, փոխանցում է «Ermenihaber»-ը:

Հիշեցնենք, որ Անին միջնադարյան Հայաստանի ամենանշանավոր քաղաքն է եղել:. V–IX դարերում եղել է ամրոց, X–XI դարերում` Հայաստանի մայրաքաղաքը, IX–XIV դարերում` տնտեսական և մշակութային կենտրոն: Ունեցել է շուրջ 100 000 բնակիչ: Քաղաքն անունն ստացել է Դարանաղի (Կամախ) գավառի Անի բերդաքաղաքից, որը հեթանոս հայերի կրոնական կենտրոնն էր: Առաջին անգամ հիշատակվել է V դարում:

Հայտնում է tesadasht.am-ը Բոլորը