Հռոմի պապը ճանաչել է Հայոց ցեղասպանությունը. թուրքական և ռուսական մամուլի արձագանքը

Թուրքական հեղինակավոր Hurriyet թերթն արձագանքել է Հռոմի պապի հայտարարությանը «Հռոմի պապը ճանաչել է Հայոց ցեղասպանությունը» թեմայով համառոտ անդրադարձում:

Աղբյուրը մասնավորապես նշել է, որ դա «20-րդ դարի առաջին ցեղասպանությունն է եղել»՝ մեջբերելով Ֆրանցիսկոս պապին:
Նշվում է, որ Պապի հայտարարությունը տեղի է ունեցել ինքնաբուխ, երբ հայ հոգևորականներից մեկը հունիսի 3-ին կայացած հանդիպման ժամանակ նշել է, որ վերապրածների զավակ է:

Այս կերպ Պապը վերահաստատել է այս հարցում իր դիրքորոշումը. 2006-ին, երբ նա դեռ Բուենոս Այրեսի կաթոլիկ եկեղեցու կարդինալ էր, Ցեղասպանության 91-րդ տարելիցին ասել էր, որ դա «Օսմանյան Թուրքիայի ամենասարսափելի հանցանքն է հայ ժողովրդի և համայն մարդկության առաջ»՝ Թուրքիային կոչ անելով ճանաչել Հայոց ցեղասպանությունը, նշում է աղբյուրը:

Ռուսական մամուլից կարևոր հայտարարությանը արձագանքել են Interfax-ը և Дождь TV-ն՝ նույն շեշտադրումներով:


Հայտնում է tert.am-ը


Բոլորը