Եվրադատարանն արդարացրել է Հայոց ցեղասպանությունը ժխտող թուրք գործչին

Երեքշաբթի, 17 դեկտեմբեր, 2013 - 19:28 | Սիվիլնեթ

Մարդու իրավունքների եվրոպական դատարանը (ՄԻԵԴ) դեկտեմբերի 17-ին բավարարել է Թուրքիայի Աշխատավորական կուսակցության ղեկավար, Հայոց ցեղասպանության միջազգային ճանաչման դեմ գործունեություն ծավալող Դողու Փերինչեքի հայցը` ընդդեմ Շվեյցարիայի, հաղորդում է թուրքական Zaman օրաթերթը:

Մարդու իրավունքների եվրոպական դատարանի վճռում մասնավորապես ասված է, որ Շվեյցարիան խախտել է Մարդու իրավունքների եվրոպական կոնվենցիայի 10-րդ հոդվածը, այն է՝ խոսքի ազատության իրավունքը:

Շվեյցարիայում 2005թ. կազմակերպված մի գիտաժողովի ժամանակ Փերինչեքը Հայոց ցեղասպանությունը որակել էր «միջազգային սուտ»: Շվեյցարական դատարանն այս հայտարարության համար 2008թ. նրան դատապարտել էր 90-օրյա պայմանական ազատազրկման կամ դրան համարժեք տույժի, ինչպես նաև 3 հազ. շվեյցարական ֆրանկ տուգանքի: ՄԻԵԴ-ի որոշման համաձայն` Շվեյցարիայի կառավարությունը դրամական փոխհատուցում չի տրամադրելու Դողու Փերինչեքին:

Մարդու իրավունքների եվրոպական դատարանի որոշումը թուրքական մամուլը որակում է պատմական և ներկայացնում այն որպես Թուրքիայի հաղթանակ, քանի որ եվրոպական դատարանը թույլատրում է Հայոց ցեղասպանության ժխտումը` դրա դեմ դատական գործ հարուցելը համարելով խոսքի ազատության սահմանափակում:

Հայտնում է civilnet.am-ը Բոլորը