Նախիջևանի 219 եկեղեցիները, վանքերն ու մատուռներ հիմնահատակ ոչնչացված են. հուշարձանագետ
Նախիջևանում ժամանակին եղել է 219 միավոր հայկական վանք, եկեղեցի ու մատուռ, որոնք այժմ հիմնահատակ ոչնչացված են: Այս մասին այսօր լրագրողների հետ հանդիպմանն ասաց հուշարձանագետ Սամվել Կարապետյանը, ով ներկայացնում էր «Նախիջևան» նոր քարտեզագիրքը:Քարտեզագիրքը հրատարակվել է երկու լեզվով` անգլերեն և հայերեն` յուրաքանչյուրը 1000-ական օրինակով: Այն մեր երկրամասին վերաբերող 15-20 դարերի քարտեզների հավաքածու է: Նախապատվությունը տրվել է հատկապես օտարազգի հեղինակների մշակած քարտեզներին, այն նպատակով, որ օտարազգի հեղինակների գործերը փաստեն, որ Նախիջևանը հայկական երկրամաս է:
«Քարտեզագրքի առաջին բաժինն ընդգրկում է եվրոպացի հեղինակների քարտեզները, իսկ երկրորդ բաժինը` հայ: Գիրքը սկսվում է Նախիջևանի ֆիզիկական քարտեզով: Կարևորվել են 1914 թվականի մարդահամարի տվյալները, որով ստեղծվել է ազգաբաշխական քարտեզը, որի վրա կարմիր կետերով ցույց են տրվում հայաբնակ վայրերը, որոնք վերջնականապես հայաթափ եղան 1988-89 թթ. բռնագաղթումների ժամանակ»,- ասաց Սամվել Կարապետյանը:
Քարտեզագրքում ամփոփված քարտեզներն առանձին-առանձին ներկայացնում են Նախիջևանի պատմությունը, մշակութային օջախները, կրթօջախները, գրչօջախերը:
«Բացի հայկական դպրոցներից ներկայացված են նաև պետական և մահմեդական դպրոցները, որոնք, հակառակ նրանց գյուղերի բազմությանը, շատ քիչ են` ընդամենը երեք դպրոց Օրդուբադում և երկու դպրոց Նախիջևանում, որոնք ստեղծվել են պետության կողմից: Հետաքրքիրն այն է, որ հայկական ծխական դպրոցները պահպանվել են եկեղեցու միջոցներով, իսկ պետական դպրոցների գոյությունը՝ ցարական»,- ասաց Սամվել Կարապետյանը:
Հուշարձանագետն ասում է, որ քարտեզում կարևորություն է տրվել քրիստոնեական պաշտամունքային հուշարձաններին, որոնք այսօր ոչնչացված են: « Մի քանի էջեր նվիրված են մեր օրերի մշակութային եղեռնին, և համեմատության համար քարտեզագրքի մի հատվածում ներկայացված է տեղանքում եղած հայկական եկեղեցին, իսկ դրան զուգահեռ «Google Earth» ծրագրով ֆիքսած դատարկ տարածքը»,- ասաց Սամվել Կարապետյանը:
Քարտեզագրքում ներկայացված են նաև մահմեդական հուշարձանները: «Հասկանալու համար, թե Նախիջևանում բացի հայկական նյութական մշակույթի հուշարձաններից, այլազգի ինչ հուշարձաններ կան, կարիք զգացվեց նաև Նախիջևանի մզկիթների քարտեզ նույնպես կազմել: Եվ երբ համեմատվում է հայկական եկեղեցիների քանակը, կառուցման ժամանակը, տեսնում ենք, որ դրանք 19-րդ դարի վերջին կամ 20-րդ դարի սկզբին կառուցված կառույցներ են»,- ասաց Սամվել Կարապետյանը:
Հայտնում է tert.am-ը
Թուրքիայի զուգահեռ պետություններից է հայկական լոբբին. PKK
Կարդալ մանրամասն..
Եվրադատարանն արդարացրել է Հայոց ցեղասպանությունը ժխտող թուրք գործչին
Կարդալ մանրամասն..
Սիրիայում ապստամբները խաչազրկել են հայկական եկեղեցին ու սև դրոշ պարզել նրա գմբեթին
Կարդալ մանրամասն..
Մոսկվան չի ցանկանում, որ Երևանը հաղթանակ տանի Բաքվի հանդեպ. Սաակաշվիլին` ՄԱԿ-ում
Կարդալ մանրամասն..
Սուրբ Խաչ եկեղեցին պեչենեգներինն է. թուրքական նոր զավեշտը
Կարդալ մանրամասն..
Նախորդ տեսանյութերը (25)
+Առաջարկեք Ձեր հյուրին
Բոլոր տեսանյութերը...
«Ցեղի կանչը». Գագիկ Գինոսյան
05.04.2016 | Տեսանյութ
Ձեր ուշադրությանն ենք ներկայացնում «Անուններ» հայագիտական նախագծի և «Խարույկ» արշավական ակումբի հետ համատեղ նկարահանված «Ցեղի կանչը» վերլուծական հաղոր
ՏԻԳՐԱՆ ՀԱՄԱՍՅԱՆ
12.05.2013 | Հարցազրույց
Իմ երազանքն է ունենալ հայկական խումբ, նվագել հայ բարձրակարգ երաժիշտների հետ:
Վերջին ավելացված կենսագրությունը
Մենք սոց. ցանցերում