Թուրքիան և Ադրբեջանը մտադիր են միասնական բանա՞կ ձևավորել

05.08.2013 17:41

Հայտարարությունն արել է Ադրբեջանի Միլի Մեջլիսի (խորհրդարան) պատգամավոր, խորհրդարանի անվտանգության և պաշտպանության հարցերով հանձնաժողովի անդամ Զահիդ Օրուջը, հայտնում են ադրբեջանական ԶԼՄ-ները: Օրուջը հայտարարել է, որ Թուրքիան և Ադրբեջանը միևնույն տեսակետն ունեն տարածաշրջանային անվտանգության հարցում, որը, նրա խոսքերով, հիմք է ծառայում նրան, որպեսզի երկու երկրները միասնական բանակ ստեղծեն: Ադրբեջաքնցի պատգամավորի խոսքերով, միասնական բանակի ստեղծման գործում իրենք հաշվի կառնեն Հյուսիսատլանտյան Դաշինքի (ՆԱՏՕ) սահմանած չափանիշները: «Համագործակցության բանաձևը պետք է վերականգնվի՝ ոչ որպես «Մեկ ազգ, երկու պետություն», այլ «Մեկ ազգ, մեկ բանակ» համատեքստում: Այդ առումով Ադրբեջանը և Թուրքիան ռազմավարական համատեղ քայեր են ձեռնարկում, որից հետո հնարավոր կլինի ստեղծել միասնական ռազմական միավորումներ, դասակներ, որոնք կիրականացնեն միևնույն ուղղությամբ տարվող առաքելությունը, իսկ դրա համար մենք ունենք բավականին շատ ռեսուրսներ»,-հայտարարել է ադրբեջանցի պատգամավորը:

Հայտնում է shamshyan.com-ը Բոլորը