Հունաստանում ոստիկանությունն արցունքաբեր գազ է կիրառել Հայոց ցեղասպանության հիշատակի ակցիայի մասնակիցների դեմ

Հունական Սալոնիկի քաղաքի ոստիկանությունը պղպեղի աէրոզոլ է օգտագործել տեղի հայերին ցրելու համար, որոնք հավաքվել էին Թուրքիայի հյուպատոսության առջեւ:

Ոստիկանության եւ ցուցարարների միջեւ բախումը տեղի է ունեցել հայոց ցեղասպանության 98-րդ տարելիցին նվիրված ակցիայի ժամանակ, հաղորդում է enetenglish.gr կայքը:

Ակցիայի 250 մասնակիցներին ցրելու համար ոստիկանությունը արցունքաբեր գազ է օգտագործել: Միջադեպը տեղի է ունեցել, երբ ցուցարարները փորձել են ճեղքել ոստիկանական արգելափակոցը` պահանջելով թույլ տալ դիմումը հանձնել հյուպատոսարանի աշխատակիցներին:

Նշենք, որ Հունաստանը Հայոց ցեղասպանությունը ճանաչած երկրների թվում է:

Չեք տեսնու՞մ վիդեոն,սեղմեք՝ այստեղ

Հայտնում է news.am-ը Բոլորը