Որոշ կայքերում հայերն ու ռուսները որպես մարդասպան և ագրեսոր են ներկայացված. վանահայր Տեր Աշոտ
11:53 • 17.10.11
Ռուսաստանում կան ուժեր, որոնք շահագրգռված են ազգամիջյան հակասությունների արհեստականորեն սրմամբ։ Ռուսաստանում հրատարակվող «Երկրամաս» պարբերականի հաղորդմամբ՝ նման կարծիք է հայտնել Ռուսաստանի Վլադիվաստոկ քաղաքի Սուրբ Գևորգ եկեղեցու վանահայր Տեր Աշոտը։
«Որպես օրինակ կարող եմ նշել Ռուսաստանում գործող ադրբեջանական կազմակերպություններից մեկի կայքում զետեղված հրապարակումները, որոնցում Լեռնային Ղարաբաղում տեղի ունեցած իրադարձությունների առնչությամբ միակողմանի տեսակետ է առկա, իսկ հայերն ու ռուսները ներկայացվում են որպես ագրեսորներ և մարդասպաններ։ Եվ երբ նման հաղորդագրությունը երիտասարդ ադրբեջանցին է կարդում, նրա մոտ ավտոմատ կերպով թշնամու կերպար է ձևավորվում»,–ասել է վանահայրը։
Տեր Աշոտը նշել է, որ կրոնական և ազգային էքստրեմիզմի դեմ հակաթույն գոյություն ունի. մարդկանց պետք է օգնել տեղեկանալ տարբեր ժողովուրդների կրոնների և ավանդույթների մասին։ «Օրինակ, Վլադիվաստոկի բնակչների մեծ մասը նույնիսկ չգիտի, որ հայերը քրիստոնեություն են դավանում։ Հաճախ կոնֆլիկտներն առաջանում են այն պատճառով, որ մարդիկ վատ են տեղեկացված, քիչ բան գիտեն միմյանց մասին»,–ասել է քահանան։
Tert.am
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :
• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:
• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 650
Կիսվել : |