Հայուհին Թուրքիայի խորհրդարանում պատմել է, թե ինչպես էին թուրք զինվորները մարդկանց սպանում եւ գետը նետում
Հունիս 15, 2012 | 13:51
Թուրքիայի խորհրդարանում Դերսիմի կոտորածներն ուսումնասիրող հանձնաժողովը լսել է Դերսիմի կոտորածներից փրկված 80-ամյա հայուհի Ֆաթմա Յավուզին:
Թուրքական Vatan-ի փոխանցմամբ՝ Դերսիմի կոտորածների ժամանակ 5 տարեկան եղած Ֆաթմա Յավուզը նշել է, թե 1995-ին է իմացել, որ ինքը հայ է, իսկ 2 տարի առաջ էլ իմացել իր հայկական անուն ազգանունը՝ Ասըլհան Քիրեմիթչյան: Հայուհին պատմել է, որ կոտորածի ժամանակ զինվորականները իր ծնողներին եւ գյուղի մյուս բնակիչներին շարքով կանգնեցրել էին գետի մոտ, նրանց սպանել եւ նետել գետը:
«Ինձ էլ հանձնեցին թուրք մահմեդական ընտանիքներին, որտեղ ես մշտապես տանջանքների եւ կտտանքների եմ ենթարկվել: «Խորթ մայրերիցս մեկը մահակով ձեռքերիս այնքան էր հարվածել, որ մատներս կոտրատված են: 13 տարեկանում ինձ ամուսնացրեցին 35 տարեկան մեկի հետ։ Տանջանքներով, տառապանքներով կյանք եմ անցկացրել»,-նշել է հայուհին՝ շեշտելով, որ պահանջում է իր իրավունքները:
Հիշեցնենք, որ Դերսիմի ապստամբությունը թուրքական իշխանությունները արյան մեջ են խեղդել՝ վերացնելով հազարավոր գյուղեր։ Տարբեր աղբյուրների հաղորդմամբ՝ Դերսիմի կոտորածներին զոհ է գնացել մինչեւ 100 հազար հոգի։
1915-ի Հայոց ցեղասպանությունից փրկված, եւ Դերսիմի տարբեր գյուղերում պատսպարված հազարավոր հայերը 1938-ին կրկնակի ցեղասպանության ենթարկվեցին։
Լուրեր Հայաստանից - NEWS.am
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :
• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:
• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 744
Կիսվել : |