Աղթամարն օծելը քեզ հայ չդարձրեց, Օրհոնյան հուշարձան այցդ էլ քեզ թուրք չի դարձնի. Բահչելին՝ Էրդողանին
Թուրքիայի վարչապետ Ռեջեփ Թայիփ Էրդողանի գլխավորությամբ քրդական հարցի կարգավորման գործընթացի դեմ հանդես եկող «Ազգայնական շարժում» կուսակցության առաջնորդ Դեւլեթ Բահչելին Իզմիրում կազմակերպած հանրահավաքի ժամանակ խիստ քննադատության է ենթարկել Էրդողանին։
Թուրքական Haberler-ի փոխանցմամբ՝ Իզմիրում կազմակերպած հանրահավաքի ժամանակ «Ազգայնական շարժում» կուսակցության նախագահ Դեւլեթ Բահչելին, անդրադառնալով քրդական հարցի կարգավորման գործընթացին, հայտարարել է, թե այդ ամենը ձեռք-ձեռքի տված կազմակերպել են Իմրալը կղզում ցմահ բանտարկության դատապարտված Աբդուլլահ Օջալանը եւ վարչապետ Ռեջեփ Թայիփ Էրդողանը։
Բահչելին նշել է, թե Էրդողանն իր քայլերով չի կարողանալու պառակտել ժողովրդին եւ պատասխանել Էրդողանի՝ իրեն ուղղված մեղադրանքներին։ «Երբ ստացար «Հրեական խիզախության մրցանակ», դա քեզ հրեա չդարձրեց, երբ օծեցիր Աղթամարի եկեղեցին, դա քեզ հայ չդարձրեց, երբ պատարագ կազմակերպել տվեցիր Սումելայի վանքում, դա քեզ ուղղափառ չդարձրեց, բայց քեզ թուրք ու ազգայնական էլ չի դարձնելու քո այցը Օրհոնյան հուշարձաններ (թյուրքական գրեր՝ 8-րդ դար)»,-ասել է Դեւլեթ Բահչելին։
Հայտնում է news.am-ը
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :
• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:
• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 804
Կիսվել : |