ՑՐՈՆՔՑԻ ՄՈՒՐԱԴ

Գործունեությունը` Ազգային-ազատագրական շարժման գործիչ

Բնակավայրը` Հայաստան

Նույն ինքը Մուրադ Պետրոսյան:

Հայ ազգային-ազատագրական պայքարի մարտիկ:
ՀՀԴ կուսակցության անդամ:

Ծնվ. 1884թ., զ. Ցրոնք (Մուշի գավառ):
Մահ. 1927թ., Բեյրութ:

Սովորել է Մուշի Կեդրոնական վարժարանում:

Մասնակցել է 1901թ-ի Մշո Ս. Առաքելոց վանքի կռվին,
1904-ին՝ Սասունի ապստամբությանը, որը ճնշելուց հետո թուրքական իշխանությունները ՑՐՈՆՔՑԻ ՄՈՒՐԱԴին բանտարկել են:

1908թ-ի երիտթուրքական հեղաշրջումից հետո ազատվել է և մեկնել Ամերիկա:

Առաջին համաշխարհային պատերազմի (1914-18) սկզբին խմբով (280 հոգի) եկել է Կովկաս, Քեռու կամավորական գնդի կազմում, որպես վաշտի հրամանատար, մասնակցել բազմաթիվ մարտերի:

1918թ-ին եղել է Ա. Մանուկյանի թիկնապահը:

1921-ի փետրվարյան հակախորհրդային ապստամբության ժամանակ վիրավորվել է, անցել Պարսկաստան, ապա՝ Սիրիա ու Լիբանան: