VARDPET AXBAYRIK / ՎԱՐԴՊԵՏ ԱՂԲԱՅՐԻԿ

Գործունեությունը` Ճարտարապետ

Բնակավայրը` Հայաստան

Հղումներ` hy.wikipedia.org

Ծննդյան և մահվան թթ. անհայտ

1213-32-ին Տեղեր գ-ում (այժմ՝ ՀՀ Արագածոտնի մարզում) իշխան Վաչե Վաչուտյանի կնոջ՝ Մամախաթունի մեկենասությամբ կառուցել է Տեղերի վանքի Ս. Աստվածածին եկեղեցին (ավարտվել է 1213-ին) և նրան արմ-ից կից գմբեթավոր մատուռներով գավիթը (1221-32):

Եկեղեցին և գավիթն առանձնանում են խստորոշ ձևերով և հայկական ճարտարապետության մեջ բացառիկ, որպես երկրորդ հարկ, գավթի կտուրին հս-արմ. և հվ-արմ. անկյուններով կանգնեցված զույգ փոքրիկ եկեղեցիներով (Ա. Վ-ի նորամուծություններն են):

Ենթադրվում է՝ ՎԱՐԴՊԵՏ ԱՂԲԱՅՐԻԿը եղել է Վաչուտյաևների իշխանական տան ճարտարապետը և իր մասն է ունեցել Վաչէ Ա-ի և Մամախաթունի կառուցումների մեջ:

ԳՐԱԿԱՆՈՒԹՅՈՒՆ
Բարխուդարյան Ս., Միջնադարյան հայ ճարտարապետներ և քարգործ վարպետներ, Ե., 1963: