ՄԻՔԱՅԵԼ ԼՈՌԻՍ-ՄԵԼԻՔՈՎ ՏԱՐԻԵԼԻ

Գործունեությունը` Զինվորական գործիչ

Բնակավայրը` Ռուսաստանի Դաշնություն

Հղումներ` hy.wikipedia.org
www.encyclopedia.am

Կոմս, ռուսական բանակի հեծելազորի գեներալ, գեներալ-համհարզ,
Ռուսաստանի պետական և ռազմական գործիչ,
Լոռիս-Մելիքյանների ազնվական տոհմից:

Ծնվ. 1825թ., Թիֆլիս:
Մահ. 12.12.1888թ., Նիցցա (Ֆրանսիա), թաղվել է Թիֆլիսի Ս. Գևորգ եկեղեցու բակում:

Սովորել է Լազարյան ճեմարանում և Ս. Պետերբուրգի հեծելազորի յունկերների դպրոցում:
1840-ական թթ. մասնակցել է Շամիլի գլխավորած լեռնականների դեմ ռազմական գործողություններին: Ղրիմի պատերազմի ժամանակ (1853-56) աչքի է ընկել թուրքերի դեմ Բայանդուրի, Ալեքսանդրապոլի ու Կարսի մարտերում, ստացել գեներալ-մայորի կոչում:

1860-73-ին՝ Հվ. Դաղստանի զինվորական պետ և Ռերբենդի քաղաքապետ, Թերեքի մարզի պետ: 1877-78-ի ռուս-թուրքական պատերազմի ժամանակ նշանակվել է Կովկասյան առանձին կորպուսի հրամանատար:

Գլխավորել է Արդահանի գրոհը և գրավումը, Ալաջայի բարձունքներում Սուխթար փաշայի ջախջախումը, Կարսի գրավումը:

1879-ին նշանակվել է Աստրախանի, Սարատովի, Սամարայի և Խարկովի ժամանակավոր գեներալ-նահանգապետ,
1880-ի փետր. 12-ին՝ Գերագույն կարգադրիչ հանձնաժողովի նախագահ (դիկտատոր, լիազորություններով), հանձնաժողովի վերացումից (իր իսկ նախաձեռնությամբ) հետո՝ ներքին գործերի նախարար:
1881-ին ՄԻՔԱՅԵԼ ԼՈՌԻՍ-ՄԵԼԻՔՈՎը պաշտոնաթող է եղել և հիմնականում ապրել է արտասահմանում:
Գրել է «Կովկասի կառավարիչների մասին 1776թ. մինչև XVIII դ. վերջը» (1883, ռուս.), «Նոթեր Հաջի Սուրադի մասին», «Երկտող Թերեքի մարզի կացության մասին» (1889, ռուս.) և այլ գործեր: