ՀԵՆՐԻԿ ՄԽԻԹԱՐՅԱՆ ՀԱՄԼԵՏԻ

Գործունեությունը` Մարզիկ

Բնակավայրը` Հայաստան

Հղումներ` hy.wikipedia.org
sportarmenia.com

Պրոֆեսիոնալ ֆուտբոլիստ:
Հայաստանի ֆուտբոլի երիտասարդական հավաքականի ավագ:
Հայաստանի Ֆուտբոլի հավաքականի կիսապաշտպան:
Հանդես է գալիս 22 համարի մարզաշապիկով:

Ծնվ. 21.01.1989թ., Երևան, ՀԽՍՀ:

Հենրիկի հայրը` Համլետ Մխիթարյանը, 80-ականների Արարատ ֆուտբոլային ակումբի առաջատարներից մեկն էր, հետագայում՝ Հայաստանի առաջին լեգեոներներից մեկը, որը հանդես էր գալիս Ֆրանսիայում:

Յոթ տարեկան հասակում Հենրիխն իր ընտանիքի հետ վերադառնում է Հայաստան, որտեղ էլ և որոշում է ֆուտբոլիստ դառնալ:

Փյունիկում և ազգային հավաքականներում իր հաջող ելույթների համար Մխիթարյանն արժանանում է 2009 թվականի «Հայաստանի լավագույն ֆուտբոլիստ» տիտղոսին: Նույն թվականին արժանացել է նաև Ուկրաինայի առաջնության լավագույն խաղացողի տիտղոսին:
2009 թվականի հունիսին նա 3 տարվա պայմանագիր է կնքում Դոնեցկի «Մետալուրգ» ֆուտբոլային ակումբի հետ:
2010 թվականի օգոստոսի 30-ին Հենրիկը 5 տարվա պայմանագիր է կնքում Դոնեցկի «Շախտյորի» հետ։ Դոնեցկի «Մետալուրգը» Հենրիկի տրանսֆերի դիմաց ստանում է 7,5 միլիոն դոլար։

Հենրիկ Մխիթարյանի մարզական վիճակագրությունը.

«Փյունիկ» – 2006-2009 թվականներ` 89 խաղ, 35 գոլ,
Դոնեցկի «Մետալուրգ» – 2009-2010 թվականներ` 46 խաղ, 17 գոլ,
Դոնեցկի «Շախտյոր» – 2010-2012 թվականներ` 51 խաղ, 9 գոլ:

Ուկրաինայի Պրեմյեր լիգայի 2012/13 մրցաշրջանում Հենրիկը Ուկրաինայի առաջնությունների ռեկորդ սահմանեց` առաջին շրջանում խփելով 18 գնդակ:

Հենրիկը ուղղակի կիսապաշտպան չէ, նա իսկական առաջատար է, որն իր ետևից տանում է իր թիմակիցներին: Նրա նրբանկատ փոխանցումները, խորամանկ անցումները և փայլուն գոլերը կատարողական վարպետության չափանիշ են:

Հենրիկ Մխիթարյանը Երևանի պատվավոր քաղաքացի է (2012թ):