KORBULI, / ԿՈՐԲՈՒԼԻ,

Գործունեությունը` Հայագետ, Հանրային գործիչ

Բնակավայրը` Հունգարիա

Հասարակական գործիչ, հայագետ, տնտեսագետ:

Ծնվ. 1914թ.:
Մահ. 1988թ.:

Սերում է Հունգարիայի Գորպուլյան հայ ազնվական տոհմից:
Ավարտել է Բուդապեշտի համալսարանը (1934):
Եղել է Հունգարահայ միության քարտուղար, հայ կաթոլիկ թեմի նվիրակության վարչության խորհրդական, Բուդապեշտի Հայկական ակումբի կազմակերպիչներից:
Հրատարակել է բազմաթիվ հայագիտական հոդվածներ հունգ., գերմ. և հայկական մամուլում:
1942-ին լույս է ընծայել «Հայկական հարցը հունգարական հասարակության մեջ» (հունգ.) աշխատությունը, սակայն գրաքննությունը ոչնչացրել է ամբողջ տպաքանակը, իսկ ԿՈՐԲՈՒԼԻն դատապարտվել է ազատազրկման:
1945-ից հոդվածներ է հրապարակել հունգարահայ նշանավոր գործիչների, հայ-հունգարական պատմական կապերի, հայկական մշակույթի և այլ հարցերի վերաբերյալ: