ԿԱՐԱՊԵՏ ԲԱԳՐԱՏՈՒՆԻ

Գործունեությունը` Կրոնական գործիչ

Բնակավայրը` Հայաստան

Հղումներ` hy.wikipedia.org

Նույն ինքը՝ Կարապետ արքեպիսկոպոս:
Աշխարհիկ անունը՝ Հովհաննես:

Եկեղեցալան գործիչ,
հասարակական գործիչ,
Կարիևի (1808-ից) և Վիրահայոց (1837-ից ցկյանս) թեմերի առաջնորդ:

Ծնվ. 18(29).05.1779թ, գ. Հունուտ (Ապերի գավառ):
Մահ. 03.06.1856թ., Ախալցխա:

Կ. Պոլսում ուսանել է աստվածաբանություն, ճարտասանություն, քերականություն և լեզուներ: Կարնո թեմում ծավալել է տնտեսական և հոգևոր-մշակութային բազմարդյուն գործունեություն:
Հիմնել է Կարապետյան վարժարանը:
1829-ին, Էրզրումը գրավելու ժամանակ, մեծ ծառայություններ է մատուցել ռուսական զորքին: Ադրիանապոլսի պայմանագրով (02.09.1829) Էրզրումի, Բայազետի ու Կարսի փաշայությունները Թուրքիային վերադարձվելուց հետո, վախենալով թուրքերի վրեժխևդրությունից, ԿԱՐԱՊԵՏ ԲԱԳՐԱՏՈՒՆու առաջնորդությամբ 1830-ին Էրզրումից և շրջակա հարյուրավոր գյուղերից մոտ 50 հզ. (7298 ընտանիք) հայ գաղթել ու բնակություն է հաստատել Ախալցխայում, Ախալքալաքում, Ծալկայում, Լոռի-Փամբակում և Շորագյալում:
Նրա ջանքերով Էրզրումի և շրջակա գյուղերի վանքերից Ախալցխա են տեղափոխվել հոգևոր-մշակութային արժեքներ, որոնք հիմնականում զետեղվել են Ախալցխայի նորակառույց Ս. Փրկիչ եկեղեցում (1835-37):

ԿԱՐԱՊԵՏ ԲԱԳՐԱՏՈՒՆու գործուն մասնակցությամբ են կառուցվել Ախալցխայի նոր՝ աջափնյա մասը՝ Պլանը, 100-ից ավելի գյուղեր՝ Ախալցխայի, Ախալքալաքի, Ծալկայի գավառներում, մոտ 60 եկեղեցի, Նոր Կարապետյան (Ախալցխա), Ա. Մեսրոպյան (Ախալքալաք) դպրոցները ևն:

1837-ի սեպտեմբերին (Վրաստանի և հմերեթի թեմակալի պաշտոնում) Ախալցխայում դիմավորել և ընդունել է Անդրկովկասի նորանվաճ երկրամասերն այցելած Նիկոլայ I կայսրին:

ԿԱՐԱՊԵՏ ԲԱԳՐԱՏՈՒՆու խնդրանքով վերջինս մեկ տարով ևս երկարաձգել է Ախալցխայի և Ախալքալաքի հայ գաղթականների՝ հարկեր չվճարելու արտոնությունը:

Ախալքալաքի Ս. Խաչ եկեղեցու բակում 2000-ին կանգնեցվել է ԿԱՐԱՊԵՏ ԲԱԳՐԱՏՈՒՆու հուշարձանը (քանդ՝ Լ. Գրիգորյան):

Գրակ.
Գալամադարյան Վ., Կարապետ արքեպիսկոպոս Բագրատունի, «Էջմիածին», 1956, № 11-12:
Գեղամյանց Հ., Կարապետ արքեպիսկոպոս. Կենսագրություն, Ե., 1999: