ԹԱՄԱՐԱ ԹՈՒՄԱՆՈՎԱ

Գործունեությունը` Պարող

Բնակավայրը` ԱՄՆ

Պարուհի, կինոդերասանուհի:

Ծնել է 1919թ., Շանհայ:
Մահացել է 1997թ., Նյու Յորք:

Զինվորական Վլադիմիր Թումանովի (Թումանյանց) դուստրը:

Ծնվել է շոգեկառքում, երբ ծնողներր փախչում էին Ռուսաստանից Չինաստան:
Մանկուց բնակվել է Փարիզում, աշակերտել ռուս պարուհի Օլգա Պրեոբրաժենսկայային:
Փոքր հասակից հանդես է եկել բալետում, համարվել ժամանակի բալետի լավագույն մանուկ պարուհիներից:

Աշխատել է Մոնտե Կարլոյի ռուսական բալետային խմբում, «Օրիժինալ բալե ռյուս», «Ֆեստիվալ բալե» խմբերում, Ջորջ Բալանչինի Ամերիկյան բալետի դպրոցում, Միլանի Լա Սկալա թատրոնում և այլուր:
Գլխավոր դերապարերով հանդես է եկել «Ժիզել», «Քնած գեղեցկուհին», «Բյուրեղապակե դղյակը», «Ֆեդրա», «Անծանոթուհին» և այլ բալետներում:

Նկարահանվել է «Փառքի օրեր», «Խորը իմ սրտում» «Պատռված վարագույրը», «Մենք երգում ենք երեկոյան», «Պարի հրավեր», «Շերլոք Հոլմսի անձնական կյանքը» շարժանկարներում:
Հանդես է եկել նաև որպես երգչուհի:

Ամուսնացած է եղել ֆիլմարտադրիչ Քեյսի Ռոբինսոնի հետ: