ԳԱԳԻԿ ՕԶԱՆՅԱՆ

Գործունեությունը` Ազգային-ազատագրական շարժման գործիչ, Գրող

Բնակավայրը` Հայաստան

Հայ ազգ-ազատագրական պայքարի գործիչ, գրող, մանկավարժ:
Անդրանիկի հորեղբոր որդին:

Ծնվ. 1882թ., ք. Շապին-Գարահիսար:
Մահ. 1915թ., ք. Սվազ (Սեբաստիայի նահանգ):

ԱԴՀԿ անդամ:
Սովորել է ծննդավայրի Ս. Փրկչյան դպրոցում, ապա՝ Մարզվան ք-ի Անատոլիա քոլեջում: Զբաղվել է առևտրով, վարել ընդհատակյա գործունեություն:
Ձերբակալվել է, մեկ ու կես տարի բանտարկվել Կիրասոնում և Տրապիզոնում:
1903-06-ին եղել է ուսուցիչ Շապին-Գարահիսարում, ապա՝ Մարզվանի Ա. Աահակյան դպրոցի տնօրեն:
1909-ի ապրիլին, Ադանայի ջարդերի ժամանակ, կազմակերպել է Շապին-Գարահիսարի ինքնապաշտպանությունը:
1910-12-ին Մարզվանում խմբագրել է «Հայկունի» երկշաբաթաթերթը, թղթակցել պոլսահայ մամուլին:
Լույս է ընծայել «Պատմութիւն հայ լեզուի եւ բանահիւսութեան» (1913), «Հայապատում» (1912) գրքերը: