AXASI AYVAZYAN / ԱՂԱՍԻ ԱՅՎԱԶՅԱՆ

Գործունեությունը` Գրող, Լրագրող, Ռեժիսոր, Սցենարիստ

Բնակավայրը` Հայաստան

Հղումներ` www.gaiff.am
armenianhouse.org
www.litopedia.org
www.sobesednik.am
hy.wikipedia.org
www.wua.am

Գրող, դրամատուրգ, սցենարիստ:
ՀՀ Արվեստի վաստակավոր գործիչ:

Ծնվել է 1925թ. մարտի 23-ին, Վրաստանի Ախլցխա քաղաքում:
Մահ. 21.07.2007թ., Երևան:

Սերում է հնատոհմ դարբինների ցեղից:

Սովորել է Թիֆլիսի հայկական դպրոցում, ապա` Վրաստանի Գեղարվեստի ակադեմիայում. անավարտ է թողել երկրորդ համաշխարհային պատերազմի պատճառով:

Աշխատել է ռազմական գործարանում որպես խառատ, գծագրիչ, ծաղրանկարիչ, կոնստրուկտոր:

Պատերազմից հետո տեղափոխվել է Երևան և ընդունվել Գեղարվեստի ինստիտուտ:

Առաջին պատմվածքը տպագրվել է 1954 թվականին, «Ոզնի» ամսագրում:

Առաջին գիրքը լույս է ընծայել Թբիլիսիի «Սաբոճոթա Սաքարթեվլո» պետական հրատարակչությունը 1959-ին:

Ա. Այվազյանի սցենարով 1967թ. «Հայֆիլմ» կինոստուդիայում նկարահանվել է «Եռանկյունի» շարժանկարը, որի համար արժանացել է Պետական մրցանակի:

Աշխատել է գրողների միության «Գրական թերթ» պարբերականում` արպես արձակի և արվեստի բաժնի վարիչ, «Էկրան» ամսագրի խմբագիր:

1992թ. խմբագրել է նորաստեղծ «Հայություն» հանդեսը:

Ա. Այվազյանի սցենարներով «Հայֆիլմ»-ում և Մոսկվայի կինոստուդիաներում նկարահանվել է շուրջ տասնհինգ կինոնկար:

Որպես բեմադրող-ռեժիսոր` նկարահանել է չորս կինոնկար:

Նրա «Վառած լապտեր» ֆիլմը Բեռլինի կինոփառատոնում արժանացել է ՖԻՊՐԵՍՍԻ մրցանակի:

Գրել է ավելի քան 20 գիրք, որոնց թարգմանվել են ռուսերեն, անգլերեն, բուլղարերեն, լիտվերեն, չեխերեն, ռումիներեն, առանձին գործեր լույս են տեսել ֆրանսերեն, իտալերեն, գերմաներեն, պարսկերեն և այլն:

Նկարչական գործերը ցուցադրվել են Երևանի ժամանակակից արվեստի թանգարանում, Նկարչի տանը` մի ինքնանկարի ցուցահանդեսում, «Գրողները` նկարիչ և նկարիչները` գրող» և բազմաթիվ այլ ցուցահանդեսներում:

Ի թիվս գրական մրցանակների` ստացել է ՀԽՍՀ Պետական և ՀՀ նախագահի մրցանակները, պարգևատրվել է «Սուրբ Մեսրոպ Մաշտոց» և «Սուրբ Մեսրոպ Մաշտոց - Սահակ Պարթև» շքանշաններով: