ՆԱԽԱԳԾԻ ՄԱՍԻՆ

www.anunner.com - Հայագիտական կայք` հայերի մասին և հայերի համար:

«Լավ է մարդու աչքը դուրս գա, բայց անունը դուրս չգա»
հին հայկական ասացվածք:

www.anunner.com կայքը ստեղծվել է 2011թ-ի Օգոստոսի 1-ին՝ հայագիտական, հումանիտար, մշակութա-լուսավորչական նախագծեր իրականացնելու նպատակով:

ՆԱԽԱԳԾԻ ԽՆԴԻՐՆ Է աշխարհասփյուռ հայությանը և օտար ազգիներին ներկայացնել հայ նշանավոր մարդկանց կենսագրությունները և վկայել հայերիս թողած ավանդի մասին՝ համաշխարհային քաղաքակրթության մեջ:

ՆԱԽԱԳԾԻ ԱՌԱՔԵԼՈՒԹՅՈՒՆՆ Է նպաստել հայ ժողովրդի ազգային, բարոյահոգեբանական նկարագրի, հեղինակության ու համբավի տարածմանը, պայքարել հայատյացության դեմ, ցուցաբերել կրթալուսավորչական աջակցություն, մատենագրել հայ ժողովրդի պատմությանը վերաբերով արխիվային նյութեր և պատմական փաստաթղթեր, կոնկրետ հայորդաց օրինակներով դաստիարակել մեր փառապանծ նախնիներին արժանավայել սերունդ:

Այդ նպատակով մենք ստեղծել ենք մշտապես լրացվող, ինտերակտիվ, բազմալեզու(հայերեն, ռուսերեն, անգլերեն, թուրքերեն (ապագայում)), հայագիտական կայք, որտեղ հավաքագրում ենք 8.000-ից ավելի հայորդիների կենսագրություններ և նրանց կյանքն ու գործունեությունը լուսաբանող այլ նյութեր, ինչպես նաև՝ հայ ժողորվդի պատմության և ազգագրական հարցերին վերաբերող հայագիտական հոդվածներ, գիտահանրամատչելի տեղեկություններ, ֆիլմեր, հարցազրույցներ և ռեպորտաժներ:

Վերոնշյալ աշխատանքների մի ստվար զանգվածն Անուններ.քոմ-ի անձնակազն, իր համեստ ուժերով, արդեն իսկ իրականացրել է: Մինչ օրս կայքում մուտքագրվել է 1200 հայկական անձնանունների բացատրություն, 950 հայի կենսագրություն, 300-ից ավելի հայագիտական հոդվածներ, 13 ռեպորտաժ-հարցազրույցներ և այլն:

Առջևում նոր մտահղացումներ և խնդիրներ կան, որոնք սպասում են իրենց լուծմանը:

Անհրաժեշտ է հավաքագրված կենսագրական նյութերը` մասնագիտացված հաստատությունների (ՀՀ Ազգային արխիվ, ՀՀ Ազգագրության ինստիտուտ, ՀՀ Պատմության ինստիտուտ, ՀՀ Ազգային գրադարան, Հայկական հանրագիտարան հրատարակչություն, ՀՀ և արտերկրյա ԶԼՄ-ներ) օգնությամբ լրացնել փաստավավերագրական հավաստի և արժեքավոր տեղեկություններով: Ստացված տեղեկությունները անհրաժեշտ է խմբագրել, դասակարգել, վերծանել, թվանշայնացնել, թարգմանել օտար լեզուներով և ներկյացնել հանրությանը:

Բացի այդ, նպատակ ունենք իրականացնելու հուշագրերի և կենսագրական գրքերի/բրոշուրների տպագրություն, կազմակերպել հայ նշանավոր մարդկանց և հայոց պատմական իրադարձություններին նվիրված թեմատիկ միջոցառումներ և հիշատակի օրեր, կազմակերպել հայագիտական ժողովներ, կազմել հայաստանի պատմամշակութային ժառանգության պահպանության ֆոնդեր, իրականացնել հայ նշանավոր մարդկանց գերեզմանների և հուշարձանների խնամք, նկարահանել վավերագրական ֆիլմեր և այլն:

ՇՈՒՏՈՎ ԿԱՅՔՈՒՄ ԿԳՈՐԾԱՐԿՎԵՆ ՀԵՏԵՎՅԱԼ ԲԱԺԻՆՆԵՐԸ
Ազգանունների հանրագիտարան,
Ընդդեմ հայատյացության,
Անձնական էջեր,
Տոհմածառեր
և այլն:

Մենք ձեռնամուխ ենք եղել սույն նախագծի իրականացմանը, քանի որ մեզ շրջապատող խնդիրները մտահոգիչ են, իսկ հայապահպանությունը՝ օրվա հրամայականն է:
Եթե Դուք կիսում եք մեր հայացքները և ցանկություն ունեք աջակցելու մեզ, խնդրում ենք կապնվեք մեզ հետ՝ info@anunner.com էլ. փոստով:

www.anunner.com- Մենք քիչ չենք

Նախորդ տեսանյութերը (25)
Հարցազրույցի նկար

«Ցեղի կանչը». Գագիկ Գինոսյան

05.04.2016 | Տեսանյութ
Ձեր ուշադրությանն ենք ներկայացնում «Անուններ» հայագիտական նախագծի և «Խարույկ» արշավական ակումբի հետ համատեղ նկարահանված «Ցեղի կանչը» վերլուծական հաղոր
Հարցազրույցի նկար

ԺԻՐԱՅՐ ՇԱՀՐԻՄԱՆՅԱՆ

01.06.2014 | Հարցազրույց
Anunner.com-ի հյուրն է ԺԻՐԱՅՐ ՇԱՀՐԻՄԱՆՅԱՆ
Հարցազրույցի նկար

ՏԻԳՐԱՆ ՀԱՄԱՍՅԱՆ

12.05.2013 | Հարցազրույց
Իմ երազանքն է ունենալ հայկական խումբ, նվագել հայ բարձրակարգ երաժիշտների հետ:
+Առաջարկեք Ձեր հյուրին Բոլոր տեսանյութերը...
Վերջին ավելացված կենսագրությունը
l
Կենսագրության նկար Արթուր Սարգսյան Ռոբերտի - ՀԱՑ ԲԵՐՈՂ Ժողովրդական վարպետ, փայտի գեղարվեստական փորագրող, Արցախյան ազատամարտի մասնակից։ Ավելին...
r
Մենք սոց. ցանցերում
ՁԵՐ ՀՈԴՎԱԾԸ ՄԵՐ ԿԱՅՔՈՒՄ
© "5165m" studio
top
top
font
color
bott