surik.asmaryan
Logo

ՍՈՒՐԻԿ ԱՍՄԱՐՅԱՆԻ ԱՐԺԵՔԱՎՈՐ ԱՇԽԱՏՈՒԹՅՈՒՆԸ՝ «ԱՐՄԱՎԻՐ»

Article image Ռաֆայել Սահակյան
Հայաստանի գրողների միության անդամ,
բանաստեղծ, գրող, հրապարակախոս,
Արմավիրի մարզային
«Հայրենականչ» թերթի խմբագիր


Արամայիս նահապետից մինչև Արմավիրի համայնք ուշագրավ խորագրի տակ «Արմավիր» գիրքը պատմավավերագրական ուսումնասիրության արժեքավոր աշխատություն է, որին համարձակորեն ձեռք է զարկել մեզ հանրածանոթ լրագրող, հասարակական գործիչ, հետազոտող-պատմաբան Սուրիկ Ասմարյանը: «Հեղինակը, որը ծնվել և ապրում Է Արմավիր գյուղում, ներկայացնում է հայոց Արմավիր մայրաքաղաքի հնագիտական պեղումների արդյունքները, նորահայտ հնագիտական և պատմական վավերագերի հիման վրա ուրվագծում Արմավիր մայրաքաղաքի պատմական դարա-շրջանները և մայրաքաղաքի ժառանգորդների` Արմավիր քաղաքի հիմքի վրա ձևավորված Արմավիր գյուղական համայնքի, նախկին Ղուրդուղուլի գյուղ – շրջկենտրոնի, 17 - 20 -րդ դարերի գոյապայքարի 400 - ամյա պատմությունը»: Սա այս գրքի ծանուցում-նախա-խոսքն է,որի ընդարձակ շուքի տակ հեղինակը իմաստասերի հմտությամբ, պատմաբան-հետազոտողի համառությամբ ուսումնասիրել է բազմաթիվ և բազմազան փաստաթղթեր, մենագրություններ, վկայաբանություններ, որպեսզի կարողանա հիմնավոր փաստերով բացահայտել, թե ովքեր ենք մենք` արմավիրցիներս և որտեղից ենք գալիս: Ուսումնա-սիրության տարածական այս քարտեզի վրա Ասմարյանը որպես սկիզբ ներկայացնում է 38 դարերի Արմավիր մայրաքաղաքի, նրա մասին հուշագրություններ՝ Հայկազուն Արամայիս նահապետից (որի անունով կոչվել է Արմավիր) մինչև հետագա բուռն ու տևական տարեգրությունների շրջանը, հասնալով մինչև ներկայիս Արմավիր գյուղը:

Zoom Image

Պարզապես զարմացնող ու տիտանական աշխատանք է կատարել Սուրիկ Ասմարյանը: Օգտագործելով պատմական աղբյուրները, նա կարողացել է ի մի բերել ժամանակի կարևոր իրադարձությունները, պատերազմող պետությունների ու արքաների վարքը, Հայաստանի հարևանների դիրքորոշումներն ու նենգ քաղաքականությունը, տևական պայքարը օտար նվաճողների դեմ: Միաժամանակ հեղինակը իր առջև խնդիր է դրել ներկայացնել Արարատյան աշխարհը, նրա բնակլիմայական պայմանները, այդ հողի վրա ստեղծված մշակույթի օջախներն ու պաշտպանական բերդերը, պատմական վավերագրերի և աղբյուրների մանրամասը տեղեկատվությունը՝ Արմավիր – Ղուրդուղուլի մեծ ժամանակի ամբողջական կտրվածքով: Լինելով ուսումնասիրող պատմաբան հեղինակը հաջողությամբ է կատարել իր պարտքը, ընթերցողին առջև բացելով հատկապես Ղուրդուղուլի-Արմավիր փաստագրությունը՝ սկսած 1800-ական թվականներից մինչև մեր օրերը: Դա պատմականորեն մի վիթխարի տարածք է, որին Ս. Ասմարյանը վերաբերվել է ճշգրիտ վերլուծականներով, հանդես բերել ուսումնասիրող- պատմաբանի բացառիկ հմտություն:

Zoom Image

«Արմավիր» գրքի լույս աշխարհ գալը որդիական պարտքի դրսևորում է Սուրիկ Ասմարյանի կողմից: Նա մոտիկից է ճանաչել իր ծննդավայրի հինը, ավանդականն ու նորը, տասնամյակներ շարունակ շփվել է գյուղի իմաստուն այրերի հետ, երազում էր հարազատ պատմական շենի բովանդակ պատմությունը այսպես փոխանցել գալիք սերունդներին, որ հին ու հզոր հայոց արքաների հայտնի անունների կողքին չմոռացվեին 20-րդ րդ դարը իրենց ուսերին վրա տանող արմավիրցիները, ովքեր երեկ և այսօր հպարտությամբ են կրել Արմավիրի դրոշը, արձագանքել են հին մայրաքաղաքի ավետիս-ղողանջներին, որոնք գիշեր ու զօր պահպանել են արմավիրյան բլրի հավերժական ներկայությունը:
Սուրիկ Ասմարյանը ձգտել է չմոռանալ ոչ ոքի, ի խորոց սրտի, որդիական երախտագիտությամբ մեկ-մեկ ներկայացրել է Արմավիրի հրաշալի մարդկանց, նրանց տոհմապատմությունը, նախ ներկայացել է իր իմաստնացած խոսքի շքեղությամբ, բնութագրել ընտանիք առ ընտանիք, գնահատել նրանց տեղն ու դերը՝ Արմավիրի ավան-դույթն ու պատվախնդրությունը աչքի լույսի պես պահել պահպանելու ճանապարհին:
Սուրիկ Հայկազի´, այսքանից հետո թող չուշանա հանրության երախտագիտությու-նը քո հանդեպ: Դու ծննդավայրիդ մեծ երթի ճանապարհը մեն մենակ կտրեցիր, ֆիզի-կական ծանր վիճակում կատարեցիր քո սխրանքը: Դու հոգուդ կերտվածքի քո անձնուրաց մղումը պարգևեցիր արմավիրյան մեծ դարձի ղաղանջներին և հիմա բոլոր քայլողների առջից ես գնում՝ հայացքդ առջև հինավուրց հայրենյաց հողն է և քեզ միշտ լույսին մոտեց-նող Արմավիր հնավուրց բարձրունքը:

10 03 2014 թ
«Հայրենականչ» թերթ

Դեպի վեր
ՈՒՇԱԴՐՈՒԹՅՈՒՆ
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :

• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:

• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 1492
Կարծիքներ և մեկնաբանություններ
Հեղինակի նախորդ հոդվածները
2014
31
Հոկտ
»14:31
Ս․ ԱՍՄԱՐՅԱՆ․ ՀԱՅԿՅԱՆ ԱՐՔԱՅԱՏՈ ...
Article image Ս, Ասմարյան ՀԱՅԿՅԱՆ ԱՐՔԱՅԱՏՈՀՄ ԱՌԱՋԻՆ ՀԱՅԿՅԱՆ ՆԱՀԱՊԵՏՆԵՐԻ ՊԱՏՄԱԿԱՆ ԴԱՐԱՇՐՋԱՆԻ ՏԱՐԵԳՐՈՒԹՅՈՒՆՆԵՐ ԳԻՐՔ ԱՌԱՋԻՆ...
Կարդալ
2014
10
Հուլ
»17:25
«Հայկի շրջան» - «Հայկյան տոմար ...
Article image 19-րդ դարում Խորենացու և նրա Հայոց պատմության վրա խաչակրած արշավանք սկսվեց Միջագետքի, Արևելքի և Հունաստանի պատմությանը գիտակ պատմաբանների և հնագետների կողմից: Դրանց թվում քիչ չէին նաև հայ պատմաբաններն ու հայագետները: Առաջիններից մեկը, որ հանդես եկավ Խորենացու պաշտպանությամբ, Մխիթարյասն միաբանության պատմաբան Ղևոնդ Ալիշանն էր (1820-1901): Նրա գրչին է պատկանում նաև «Հայկյան տոմարագիտության» հաշվարկը, ըստ որի «Հայկի շրջանի» մեկնարկը նշանավորվել է ......
Կարդալ
2013
18
Դեկտ
»17:45
Հայ /Հայասա-Ազզի/-խեթական շփու ...
Article image Հայ /Հայասա-Ազզի/-խեթական շփումների արդյունքում ծնված վիմագիր ժառյապատկե՞ր /տես` ՀԺՊ ՀԽՍՀ ԳԱկադեմիայի հրատարակություն, էջ 177/, թե ՞ Խեթական աստվածների Հազըլ-քայայի ժայռապատկեր......
Կարդալ
2013
14
Օգոս
»21:31
Ասմար
Article image Մ.թ.ա. 2750-2600 դդ Ա ս մ ա ր անունը Միջագետքում հայտնի էր որպես դինաստիական անվանում /նաև միջագետքյան տոմարի ամիսներից մեկի անվանում/: Հայկական անվանումների բառարաններում, չգիտես ինչու Ասմար անունին ինչ ասես որ չեն վերագրում, անգամ արաբական ծագում, երբ այն ընդամենը Միջագետքում Հայկ Նախապետի Հայկազունիների դարաշրջանում իշխած դինաստիաններից մեկի անվանումն է` Ա ս մ ա ր... Պաշտամունքի հնագույն աստվածներ ինտերներ էջ բացատրությունը /Google հայերեն թարգմանությունը/ Արական Figurine ից Ասմար սկ...
Կարդալ
2013
21
Մայ
»16:39
Սարդարապատի հերոսամարտին
Article image Հայոց ցեղասպանությունը: Օգտվելով 1915 - 1923 թթ. պատերազմական իրավիճակից, թուրքական իշխանությունները Արևմտյան Հայաստանում իրականացրեցին հայ ժողովրդի և մարդկության հանդեպ երբևէ գործած ամենադաժան հանցագործությունը. իբրև-թե ռազմական գործողությունների թատերաբեմից հայերին հեռացնելու նպատակով, թուրքերը տեղահանեցին երկրի մեծ ու փոքր քաղաքներում, ավաններում և գյուղական բնակավայրերում ապր...
Կարդալ
Բոլորը ...
© "5165m" studio
top
top
font
color
bott