Հենրիխ Մխիթարյանը Շախտյորի կազմում դարձավ Ուկրաինայի չեմպիոն

Ուկրաինայի ֆուտբոլի առաջնության 26-րդ տուրում Դոնեցկի «Շախտյորը» սեփական հարկի տակ ընդունել էր իր հիմնական մրցակիցներից մեկին՝ Խարկովի «Մետալիստին»: Հանդիպման 84-րդ րոպեին «Շախտյորի» կիսապաշտպան Իլսինյոն հավասարեցրեց հաշիվը և դրական արդյունք ապահովեց իր թիմի համար:


Այս խաղից հետո «Շախտյորը» վաստակում է 71 միավոր: «Մետալիստը» ունի 56 միավոր և Կիևի «Դինամոյի» հետ կիսում է 2-3 հորիզոնականները: Այժմ «Շախտյորը» անհասանելի է մրցակիցների համար: Այսպիսով, Ուկրաինայի առաջնության ավարտից 4 տուր առաջ «Շախտյորին» հաջողվում է անհասանելի դառնալ մրցակիցների համար և հռչակվել Ուկրաինայի ֆուտբոլի առաջնության չեմպիոն:


Հայաստանի հավաքականի և «Շախտյորի» կիսապաշտան Հենրիխ Մխիթարյանը խաղադաշտ էր դուրս եկել մեկնարկային կազմում և մասնակցեց ամբողջ հանդիպմանը: Թե առաջին խաղակեսում, թե երկրորդում Մխիթարյանը բավականին ակտիվ էր և լավ հնարավորություններ ուներ դարպասը գրավելու: Վերջին րոպեին նրա հարվածից հետո «Մետալիստին» փրկեց Գորյանիովը: Մխիթարյանն արդեն երրորդ անգամ դարձավ Ուկրաինայի չեմպիոն:


«Շախտյոր»-«Մետալիստ»՝ 1-1
Գոլերը՝ Իլսինյո 84 - Դևիչ 39

Հայտնում է tert.am-ը


Բոլորը