ՎԱՏ ԼՈՒՐԵՐ

13.01.14/08:51

Թուրքիայի զուգահեռ պետություններից է հայկական լոբբին. PKK

Հինգշաբթի, 9 հունվար, 2014 - 13:45 | Սիվիլնեթ

Քրդստանի աշխատավորական կուսակցության համանախագահ Բեսե Հոզաթը անդրադարձել է 2013թ. հունվարի 9-ին Փարիզում PKK-ի քուրդ կին գործիչների՝ Սաքինե Ջանսըզի, Ֆիդան Դողանի և Լեյլա Շայլեմեզի սպանությանը:

Հոզաթը հայտարարել է, որ այդ սպանության մեջ ներգրավված է եղել Թուրքիայի «զուգահեռ պետությունը», մասնավորապես, Ֆեթուլլահ Գյուլենի գլխավորած գյուլենական շարժումը՝ ակնարկելով, որ Թուրքիայում պետություն մեջ պետություն կա:

«Թուրքիայում պաշտոնական պետությունից բացի գոյություն ունի նաև դրան զուգահեռ պետություն: Օրինակ՝ գյուլենական համայնքը «պետություն է պետության մեջ»: Այդպիսիք են ազգայնական հայկական և հունական, նաև՝ հրեական լոբբիները»,- ասել է Հոզաթը: Ըստ նրա՝ այդ կառույցները շատ ուժեղ են ու կազմակերպված և չեն ենթարկվում սահմանադրությանը:

PKK-ի ղեկավար պաշտոնը զբաղեցնող Բեսե Հոզաթի հայտարարությունը անհանգստությամբ է ընդունվել Թուրքիայի հայերի շրջանում:

2013թ. դեկտեմբերի 17-ին Թուրքիայի վարչապետ Ռեջեփ Թայիփ Էրդողանի կառավարության մի քանի անդամների որդիների ու մի շարք պաշտոնյաների ձերբակալությունից հետո Էրդողանը հայտարարեց, որ գործողություններն ուղղված են իր կառավարության դեմ, և որ պետության մեջ պետություն կա:

Ձերբակալությունների հետևում, ըստ թուրքական մամուլի, կանգնած է գյուլենական համայնքը, որը մեծ ազդեցություն ունի թուրքական անվտանգության մարմինների վրա:

ՍիվիլՆեթն ավելի վաղ անդրադարձել է նաև «Մեծ կաշառք» օպերացիայի արդյունքում Թուրքիայում ստեղծված իրադրությունում թուրքական մամուլի դերին և Էրդողան-Գյուլեն հակասություններին:

Հայտնում է civilnet.am-ը

17.12.13/11:27

28.08.13/14:18