Մարգարիտա Սիմոնյան. Իմ ընտանիքը վերապրել է ցեղասպանությունը եւ այլ ապացույցներ ինձ պետք չեն
յսօր, ինչպես միլիոնավոր այլ մարդիկ, ընտանիքի հետ բաժակ կբարձրացնենք 15թ. տանջված մեր նախնիների համար, գրել է Russia Today հեռուստաալիքի գլխավոր խմբագիր Մարգարիտա Սիմոնյանը Twitter-ում` #геноцид հեշթեգով:
Նա պատմել է իր ընտանիքի պատմությունը. «Փոքր ժամանակ ես հաճախ ապրում էի իմ նախատատի մոտ: Նա վերապրել էր ցեղասպանությունը: Նրա եղբայրներին, քույրերին եւ ծնողներին սպանել են մի գիշերվա մեջ իր աչքի առաջ: Իմ նախատատին եւ նրա քրոջը` Ալիսային ձեռք չեն տվել: Գեղեցիկ փոքրիկ աղջիկներին թուրքերը տանում էին իրենց տուն: 16 տարեկանում տատիկս փախել էր: Երբ թուրքերը տանում էին աղջիկներին, հայրը հասցրել էր մեկական ոսկեդրամ տալ, որ նրանք պահել էին թշերի տակ: Հորն այդ գիշեր սպանել էին:
Նախատատս թուրքական ընտանիքից փախել էր Ղրիմ: Այդպես մեր ընտանիքը հայտնվեց Ռուսաստանում: Չգիտենք, թե ինչ եղավ նրա քրոջ հետ: Նրանց ավագ քույրը խուսափել էր բռնաբարությունից` նեռտվելով ծովը Տրապիզոնի ափից: Թուրքիայում կորած կրտսեր քրոջ պատվին Ալիսա անվանակոչեցին իմ կրտսեր քրոջը»:
«Իմ ընտանիքը վերապրել է ցեղասպանությունը եւ այլ ապացույցներ ինձ պետք չեն»,- ամփոփել է Սիմոնյանը եւ հավելել. «Նենե (տատիկ` Համշենի բարբառով-խմբ.), մենք հիշում ենք»:
Հայտնում է news.am-ը
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :
• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:
• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 770
Կիսվել : |