Ջիվան Գասպարյանը և Հոսեյն Ալիզադեն ելույթ են ունեցել Եվրոպայի խոշորագույն արվեստի կենտրոնում. Financial Times-ի անդրադարձը
«Դուդուկ բառը Ջիվան Գասպարյանի անվան հոմանիշն է դարձել, որը դուդուկ է նվագել Ստալինի ու Քենեդու համար, նվագել է Սթինգի ու Լայոնել Ռիչիի հետ, և այժմ՝ երբ 80-ն անց է՝ Լոնդոնի Barbican-ում է նվագում»,- գրում է Financial Times-ը՝ անդրադառնալով Ջիվան Գասպարյանի և իրանցի անվանի երաժիշտ Հոսեյն Ալիզադեի՝ Barbican-ում՝ Եվրոպայի խոշորագույն արվեստի կենտրոնում սեպտեմբերի 28-ին տեղի ունեցած համատեղ ելույթին:
«10 տարի առաջ Գասպարյանը նշանակալից ելույթ ունեցավ Թեհրանում՝ իրանցի դասական երաժիշտ Հոսեյն Ալիզադեի հետ: Barbican-ի համար հաջողություն էր իր հարկի տակ ընդունել երկրորդ նման ելույթը», - գրում է FT-ն:
«Հենց ներս մտնելով՝ Ալիզադեն հոտընկայս ծափողջյունի արժանացավ լսարանի իրանական կեսի կողմից: Այնուհետև Ալիզադեն իր կարպետի վրա էր՝ իր սեթարով…»։
Որոշակի ժամանակ անց Ալիզադեն բեմ է հրավիրել Գասպարյանին, որին ծափահարել են արդեն իր հայրենակիցները, նշում է աղբյուրը: Նա դուդուկահարների կվարտետի հետ է եղել, որոնց շարքում է նաև իր թոռ Ջիվանը: Սկզբում Գասպարյան ավագը մելամաղձոտ մեղեդիներ է նվագել, սակայն հընթացս կատարումը վեր է ածվել պարայինի: Գասպարյան կրտսերը անհավանական արագ հատվածներ է կատարել: Աղբյուրը նշում է, որ մերթընդմերթ կվարտետը 1930-ականների էստրադային երգիչների պես հոգոց է հանել: Իսկ ընդհանուր կատարումը երբեմն «աշխարհամասերով հեռու է եղել եվրոպական երաժշտությունից»:
Համերգը սկսելուց միայն 2 ժամ անց են հայ և իրանցի երաժիշտները սկսել միասին հանդես գալ: Նշվում է, որ Գասպարյան ավագը ոչ միայն դուդուկ է նվագել, այլև «դուդուկաձայն երգել է»՝ մի հայկական ժողովրդական գործ, որին ծափահարել սկսել են առաջին իսկ նոտայից:
Լուրեր Հայաստանից - Թերթ.am
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :
• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:
• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 709
Կիսվել : |