Միխայիլ Սահակաշվիլի. Ինձ շատ են քննադատել հայ ազգի նկատմամբ իմ սիրո համար

Վրաստանի եւ Հայաստանի միջեւ բարեկամությունը հասել է նոր մակարդակի Միխայիլ Սահակաշվիլիի նախագահության օրոք: Այդ մասին հունվարի 21-ին հայտարարել է ինքը` Վրաստանի նախագահը` դիմելով ԵԽԽՎ ձմեռային նստաշրջանի պատվիրակներին:

«Ես շատ հպարտ եմ, որ Վրաստանի եւ Հայաստանի միջեւ բարեկամությունը հասել է նոր մակարդակի իմ նախագահության օրոք: Ես բազմաթիվ անգամներ քննադատության եմ ենթարկվել հայոց պատմության, մշակույթի եւ հայ ազգի նկատմամբ իմ սիրո համար»,- հայտարարել է նա:

Նա ընդգծել է, որ մինչ հայ հարեւաններն այլ դաշինք են ընտրեկ, Վրաստանը շարունակում է ինտեգրվել ՆԱՏՕ-ին:

«ԵՄ-ն եւ ՆԱՏՕ-ն պարզապես Վրաստանի գործընկերներ չեն: Դրանք ընտանիքներ են, որոնց անդամ մենք ցանկանում ենք դառնալ»,- ասել է նա:


Լուրեր Հայաստանից - NEWS.am