«The Washington Post»-ն ու «USA Today»-ը դրվանտանքով են արձագանքել «Ավազե ամրոցի աղջիկները» վեպին
Հուլիս 18, 2012 | 01:44
Ամերիկյան «The Washington Post» եւ «USA Today» պարբերականները դրվատանքով են անդրադարձել բեսթսելերների հեղինակ Քրիս Բոխջալյանի «Ավազե ամրոցի աղջիկները» վեպին` իրենց հրապարկումների մեջ նշելով Հայոց ցեղասպանության եւ Թուրքիայի կողմից այդ հանցագործության մշտական ժխտման մասին:
«The Washington Post»-ում Եվգենիա Ցուկերմանը գրում է ժամանակակից միջազգային հարաբերությունների վրա Հայոց ցեղասպանության եւ թուրքական ժխտողականության իրական ազդեցության մասին, ինչպես նաեւ անդրադառնում է Բոխջալյանի վեպի դերին` այդ հանցագործության վերաբերյալ ճշմարտությունը լուսաբանելու հարցում:
«Որոշ շրջանակներում դեռեւս տարաձայնություններ կան այդ հանցագործության բնույթի մասին: «Ավազի ամրոցի աղջիկները» չնայած վեպ է, սակայն հիմնված լինելով նրա ընտանիքի պատմության վրա, այն արժեքավոր եւ հզոր վակայություն է, որը մատնացույց է անում անվիճելին»,-գրում է Ցուկերմանը:
«USA Today»-ոմ Քերոլ Մեմոթը գրում է. «Ավազե ամրոցի աղջիկները» վեպում շատ ցավ, ամայություն եւ չարիք կա, եւ այս ամենը խորանում է Թուրքիայի կողմից մինչ օրս Հայոց ցեղասպանության ժխտումով: Իսկ Բոխջալյանը գրեթե մեկդարյա իրադարձություններն այնպես է ներկայացրել, որ ընթերցողի բերանը բաց է մնում շոկից, որ նման սարսափելի իրադարձությունը` իրենց երկրում բոլոր հայերին չնչացնելու վճռականությունը, համաշխարհային պատմության մասն է»:
Լուրեր Հայաստանից - NEWS.am http://news.am/arm/news/113709.html
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :
• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:
• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 1108
Կիսվել : |