Սրամտում է Հայկական ռադիոն

-Ո՞վ է հայը, ո՞վ հրեան:
-Հայը աշխարհի աղն է, հրեան աշխարհի ճաշ եփողը:

-Ո՞վ է աշխարհի ամենաշինարար ազգը:
-Հայը: Եթե շինելու բան չի լինում, շինածը քանդում` նորից է շինում:

-Ի՞նչ տարբերություն հայի ու հրեայի միջև:
-Հրեան աշխարհն իրենով է անում, հայը դառնում է աշխարհինը:

Եթե Հայաստանում ապրող 3 միլիոն հայի բերանի ջրերը մի առվով գնան, ապա Կասպից ծովը կծածկի Բաքուն և հարակից շրջանները:

-Ինչո՞ւ են ասում, որ հայ ժողովուրդը հեռատես է:
-Որովհետև, մինչև հայ նշանավոր մարդիկ անդարձ չեն հեռանում, նրանց չեն տեսնում:

-Ո՞րն է աշխարհի ամենաբարոյական ազը:
-Հայերը: Մշտապես տանում են բարոյական հաղթանակներ:

-Ինչո՞վ է հարուստ Հայաստանը:
-Աղքատներով:

-Ո՞րն է ժողովրդավարությունը հայկական ձևով:
-Մեկ օր ձայն տալ, չորս տարի բարձրաձայն ողբալ:

-Ժողովուրդը ինչո՞ւ չկարողացավ իշխանություններին գամել անարգանքի սյունին:
-Որովհետև ժողովուրդը ցուրտ ձմեռներին տաքանալու համար կտրեց ու վառեց այդ սյունը:

Որ պետք է լռեինք, ինչո՞ւ այսքան սովորեցինք:

-Քանի՞ ծառ է մնացել Հայաստանում:
-Երեք օր ժամանակ տվեք` հաշվեմ:

-Ինչո՞ւ են ապարանցիները գերեզմանում լույս քաշում:
-Որ հանգուցյալի հոգին լոսավոր լինի:

-Ինչո՞ւ են վանեցիները քայլելիս մեծ-մեծ լոնքեր անում:
-Որ կոշիկները ուշ մաշվեն:

-Ովքե՞ր են արյան գնով ապրում:
-Դոնորները:

-Ինչո՞ւ են Սեթավանի առողջարանում կանգնեցրել խոզի արձանը:
-Որովհետև նա է առաջինը հայտնագործել ցեխի բուժիչ հատկությունը:

-Ովքե՞ր են Հայաստանում գոհ լինում բժիշկներից:
-Տերտերներն ու գերեզման փորողները:

-Ինչո՞վ են հայտնի հայ շինարարերը:
-Ապօրինի շինարարությամբ:

-Ի՞նչ է ցույց տալիս Հայոց պատմությունը:
-Որ հետևանքներից անհնարին է խուսափել: