ՄԱՐԻ ԲԵՅԼԵՐՅԱՆ

Գործունեությունը` Ազգային-ազատագրական շարժման գործիչ

Բնակավայրը` Հայաստան

Ծնվ. 1877թ., Կ. Պոլիս:
Մահ. 1915թ., Մեծ եղեռնի զոհ:

Հայ ազգ-ազատագրական շարժման գործիչ,
հայ կանանց ազատության գաղափարի ռահվիրա:

Հնչակյան կուսակցության անդամ:

Կրթությունը ստացել է Կ. Պոլսի Էսայան վարժարանում, ապա սովորել Բերայի արվեստանոցում:

«Հնչակ» թերթի Կ. Պոլսի թղթակից:

Եղել է 1895-ին սուլթանի նստավայր Բաբը Ալիի շրջակայքում հայերի քաղաքական խաղաղ ցույցի կազմակերպիչներից, ժողովրդին հեղափոխության կոչող ելույթ է ունեցել, որից հետո, խուսափելով թուրքական ոստիկանության հետապնդումից, ապաստանել է Եգիպտոսում, զբաղվել ուսուցչությամբ:

1902-03-ին հրատարակել է «Արտեմիս» հանդեսը՝ կանանց ազատության կոչող առաջին հայկական պարբերականը:

1908-ի երիտթուրքական հեղաշրջումից հետո վերադառնալով ծննդավայր՝ ուսուցչություն է արել Կ. Պոլսում և Եվդոկիայում:
Հրատարակել է «Դէպի վեր» գրական ստեղծագործությունների ժողովածուն: