ԿՈՍՏԱՆԴԻՆ Դ ԼԱՄԲՐՈՆԱՑԻ,

Գործունեությունը` Կրոնական գործիչ

Բնակավայրը` Հայաստան

Ամենայն հայոց կաթողիկոս 1323-ից:

Ծննդյան թիվն անհայտ է:
Մահ. 1326, Սիս, ամփոփիվել է Դրազարկի վանքում:

Հաջորդել է Կոստանդին Գ Կեսարացուն:
Դրազարկում վարել է առաջնորդական պաշտոն (այստեղից էլ՝ երկրորդ անունը):

Մասնակցել է Սսի և 1316-ի Ադանայի եկեղեցական ժողովներին:
Սկզբում գործակցել է իր նախորդի՝ Կոստանդին Գ Կեսարացու հետ (արևմտամետության խնդրում), բայց գահ բարձրանալով՝ հրաժարվել է այդ քաղաքականությունից: Այդ պատճառով չի մասնակցել Կիլիկիայի հայկական թագավորության խնամակալ Օշին պայլի՝ Հռոմի հետ վարած բանակցություններին՝ գրավելով չեզոք դիրք:

Երկրի քաղաքական դրությունը բարելավելու նպատակով 1323-ին 15-ամյա հաշտություն է կնքել Եգիպտոսի Նասր սուլթանի հետ, որը, որոշակի հարկի դիմաց, պարտավորություն է վերցրել վերաշինել Կիլիկիայի՝ իր կողմից ավերված բերդերը:

Կաթողիկոսական գահին ԿՈՍՏԱՆԴԻՆ Դ ԼԱՄԲՐՈՆԱՑուն հաջորդել է Հակոբ Բ Անավարզեցին: