ԿԻՇ

Գործունեությունը` Զինվորական գործիչ

Բնակավայրը` Հունգարիա

1848-49-ի հունգարիայի հեղափոխության գործիչ,
զորավար,
գեներալ (1848):

Նույն ինքը՝ ԳԻՇ, ԿԻՇՅԱՆ (ՀՆԱԳՈՒՅՆ ՏՈՀՄԱՆՈՒՆԸ՝ ԱԳՈՆՑ) ԷՐՆԵ ՕԳՈՍՏԻՆՈՍԻ

Ծնվ. 1799թ., ք. Տեմեշվար (այժմ՝ Տիմիշոարա՝ Ռումինիայում):
Մահ. 06.10.1849թ., ք. Արադ (այժմ՝ Ռումինիայում):

1817-ից եղել է զինվորական ծառայության մեջ:
1842-ին նշանակվել է Հաննովերյան հեծելազորային գնդի հրամանատար:
Հունգարիայի հեղափոխության սկզբից միացել է հեղափոխական զորքերին՝ հեղափոխության տրամադրության տակ դնելով իր գերդաստանի հարստությունը (մոտ 6-7 մլն ֆորինտ):
Բանակում սերբ. հակահեղ. զորքերի ջախջախման ժամանակ դրսևորած մարտական հմտության համար ստացել է գեներալի աստիճան, նշանակվել հեղափոխական բանակի հվ. ուժերի ընդհանուր հրամանատար:

Ազատագրել է մի շարք քաղաքներ, մերժել կայսերական բանակի կողմն անցնելու առաջարկը:

Հեղափոխության պարտությունից հետո, 1849-ի սեպտեմբերի 21-ին, ԿԻՇը ձերբակալվել է և 12 այլ զորապետերի հետ (այդ թվում՝ Վ. Լազարը) գնդակահարվել:

ԿԻՇը կապված է եղել հունգարահայ գաղութին և օժանդակել նրան:

Նադպեչկերեկում (Հարավսլավիա) կանգնեցվել է ԿԻՇի հուշարձանը (1906), իսկ Արաղում՝ հուշակոթող՝ ի պատիվ 13 հերոսների:
ԿԻՇի անվամբ փողոցներ են կոչվել Բուդապեշտում, Սեգեդում և այլուր:

Պարգևատրվել է Հունգարիայի հեղափոխության շքանշանով: