ԿԱՄՈ ԳՅԱՆՋՅԱՆ ՆՇԱՆԻ (ԱՐԻԱՑԻ)

Գործունեությունը` Նկարիչ

Բնակավայրը` Հայաստան

Ծնվ. 15.03.1948թ., Երևան:

Քանդակագործ, նկարիչ:
Ավարտել է ԵԳՈՒ(1968), ԵԳԹԻ(1974):
2003-ից դասավանդում է ԵԳԱ-ում:
1981-ին մասնակցել է Էրեբունիի թանգարանի ներքին դեկորատիվ հարդարմանը (Խալդի և Թեյշեբա աստվածների բարձրաքանդակները):
Գործերից են նաև «Տիեզերական կամքի ուրվականը» քանդակների շարքը («Տիեզերական սֆինքս», 1981, «Մետամորֆոզ», 1982, «Սմբատ Սպարապետ Գունդստաբլ», 1985 ևն), «Կամքի պոռթկում» (1979), «XX դարի Լաոկոնը» (1982), «Ահեղ դատաստան» (1997) երփնագիր կոմպոզիցիաները, «Աստեղային մարմին» (1991, «Տիեզերական կամքի նիրվանան» շարքից), «Տրանսցենդենտալ կոմպոզիցիա» (1993), «Տիեզերական էակ» (1994) գրաֆիկական աշխատանքները:
Հեղինակ է «Մենք՝ կամապաշտներս, ժամանակի ոլորտներում» (1997) և «Վերազանցական պոեզիայի հորիզոններում» (2000) գրքերի:
Անհատական ցուցահանդես՝ Երևանում (1979):