TOROS - Toros Rast - Klan, Toros Rastkelenyan / ԹՈՐՈՍ - Թորոս Ռասթ - Կլան, Թորոս Ռասթկելենյան

Գործունեությունը` Քանդակագործ

Բնակավայրը` Սիրիա

Քանդակագործ:
Ֆրանսիայի Դրոմ դեպարտամենտի գրականության, գիտության և արվեստների ակադեմիայի անդամ (2003):

Ծնվ. 12.12.1934, Հալեպ:

Հորից ժառանգել է պղնձագործի ավանդական արհեստը, զբաղվել դրվագումով և արձանագործությամբ:

1966-ին «Ազատագրված արաբ կինը» միջազգային մրցույթում ԹՈՐՈՍի յոթմետրանոց «Ազատության ջահ» արձանը շահել է առաջին մրցանակը և տեղադրվել Հալեպի հրապարակներից մեկում:

1967-ից բնակվում է Դրոմ դեպարտամենտի Ռոման քաղաքում:

1968-ից ցուցադրվում է Ֆրանսիայի և եվրոպական այլ երկրների պատկերասրահներում և ցուցահանդեսներում:

ԹՈՐՈՍի բրոնզե և պղնձե մոնումենտալ 15 քանդակներ տեղադրված են Ֆրանսիայի տարբեր քաղաքներում (Հայոց ցեղասպանությունը դատապարտող՝ Մարսելի, էքս Ան Պրովանսի, Վալանսի և Աենտ էտիենի կոթողները ևն), որոնք առանձնանում են մետաղամշակման նրբությամբ և խիստ ընդհանրացված ծավալաձևերռվ («Սրնգահարը», բրոնզ, 1978, տեղադրված է Ռոմանի փոքրիկ հրապարակում, «Ընտանիք», բրոնզ, 1999, «Սիրեն», համաձուլվածք, 2001 ևն):

Կերտել է նաև դիմաքանդակներ՝ «Սայաթ-Նովա», «Ստ. Շահումյան», «Գ. Կյուլպենկյւսն» ևն:

Ֆրանսիայի Պատվո լեգեոնի ասպետի I և II աստիճանների շքանշաններ (1984, 2000):