GEVORG CHMSHKYAN HARUTYUNI / ԳԵՎՈՐԳ ՉՄՇԿՅԱՆ ՀԱՐՈՒԹՅՈՒՆԻ

Գործունեությունը` Թատերական գործիչ

Բնակավայրը` Հայաստան

Հղումներ` hy.wikipedia.org
www.armeniaculture.am
www.avproduction.am

Դերասան, ռեժիսոր, թատերական գործիչ:
Արևելահայ պրոֆեսիոնալ թատրոնի հիմնադիրներից և առաջատարը:

Ծնվ. 07.03.1837թ., Թիֆլիս:
Մահ. 28.12.1915թ., Պետրոգրադ:

Ա. Չմշկյանի ամուսինը:

Սովորել է Թիֆլիսի Ներսիսյան դպրոցում (1847-50), ավարտել Ռուսական հողաչափ, ուսումնարանը (1854):

Բեմելը՝ 1863-ին, Թիֆլիսում:

1863-77-ին ԳԵՎՈՐԳ ՉՄՇԿՅԱՆը պայքարել է գեղարվեստական բարձրարժեք խաղացանկի, ռեալիստական ուղղության և բեմը արդի հասարակական խնդիրներին ծառայեցնելու համար, համագործակցել Գ. Սունդուկյանի հետ, դարձել նրա պիեսների առաջին բեմադրողն ու գլխ. դերակատարը:

Նա առաջինն է կապ ստեղծել արևելահայ և արևմտահայ թատրոնների միջև, թատերական գործունեություն ծավալել արևելահայ գավառներում:

ԳԵՎՈՐԳ ՉՄՇԿՅԱՆը աջակցել է «Մշակ» թերթի հիմնադրմանը:

Հեղինակ է քննադատ-տեսսական հոդվածների, թարգմանությունների (Շեքսպիրի «Թիմոն Աթենացի», «Օթելլո», Հյուգոյի «Անջելո» և այլն):

Լավագույն դերերից են՝ Վարդան (Հ. Կարենյանի «Վարդան Մամիկոնյաև կամ Վարդանանց պատերազմ»), Մասիսյան, Պեպո, Օսեւի (Սունդուկյանի «Խաթաբալա», «Պեպո», «Քանդած օջախ»), Վիխորև (Ա. Օստրովսկու «Ուրիշի սահնակը մի նստիր»), Պետրուչչո, Շայլոկ (Շեքսպիրի «Անսանձ կնոջ սանձահարումը», «Վենետիկի վաճառականը»), Կարլ Մոոր (Շիլլերի «Ավազակներ») և այլն, որոնց բնորոշ էին կերպարի բնութագրական գծերի ճշմարտացի անձնավորումը, տիպական հատկանիշների հստակությունը, բարոյագաղափարական դիրքի որոշակիությունը:

Երկեր.
Իմ հիշատակարանը (տեքստը պատրաստել և ծանոթագրել է Ս. Մեփքսեթյանը), Ե., 1953:

Գրակ.
Հարությունյան Ս., Գևորգ Չմշկյան, Ե., 1960: