BEDR EL JAMAL EL ARMANI / ԲԵԴՐ ԷԼ ՋԱՄԱԼ ԷԼ ԱՐՄԱՆԻ

Գործունեությունը` Զինվորական գործիչ

Բնակավայրը` Եգիպտոս

Ծննդյան թիվն անհայտ է:
Մահ. 1094թ.:

Եգիպտոսի վեզիր և զորահրամանատար:

1063 և 1066-ին Ֆաթիմյանների կողմից նշանակվել է Դամասկոսի կառավարիչ:
Ունեցել է անձն, զորագունդ՝ կազմված մեծ մասամբ հայերից:
1073-ի վերջին, Եգիպտոսի համար ծանր իրավիճակում,
Մուսթանսիր խալիֆան ԲԵԴՐ ԷԼ ՋԱՄԱԼ ԷԼ ԱՐՄԱՆին նշանակել է վեզիր:
ԲԵԴՐ ԷԼ ՋԱՄԱԼ ԷԼ ԱՐՄԱՆԻ սանձելով խոշոր ֆեոդալներին, խաղաղեցրել է երկիրը, բարեկարգել տնտեսությունը, ծավալել շինարարական գործունեություն (հին Կահիրեի երեք մեծ դարպասները, պարսպի մի հատվածը, Ալ Ջույուշի մզկիթը տակավին կանգուն են):

ԲԵԴՐ ԷԼ ՋԱՄԱԼ ԷԼ ԱՐՄԱՆԻ օրոք բարգավաճել է Եգիպտոսի հայ գաղութը, կառուցվել են եկեղեցիներ ու վանքեր:
Նրա գործունեության մասին գովեստով են խոսել արաբ և օտարազգի պատմիչները:

ԲԵԴՐ ԷԼ ՋԱՄԱԼ ԷԼ ԱՐՄԱՆին վեզիրի պաշտոնում հաջորդել է որդին՝ Աֆդալ Շահնշահը:

Գրակ.
Մըսրլյան Գ., Ականավոր հայեր Եգիպտոսի մէջ, Կահիրե, 1947: