ARMENAK XANPERYANC ARTEMI / ԱՐՄԵՆԱԿ ԽԱՆՓԵՐՅԱՆՑ ԱՐՏԵՄԻ

Գործունեությունը` Զինվորական գործիչ

Բնակավայրը` Հայաստան

Հղումներ` hy.wikipedia.org
www.encyclopedia.am

Նույն ինքը՝ ՍԵՐԳԵՅ ԽՈՒԴՅԱԿՈՎ ԱԼԵՔՍԱՆԴՐԻ

Զորավար, ավիացիայի մարշալ (1944):

Ծնվ. 07.01.1902թ.), գ. Մեծ Թաղեր (այժմ՝ ԼՂՀ Հադրութի շրջանում):
Մահ. 18.04.1950թ.:

Ավարտել է Թիֆլիսի հրամկազմի կատարելագործման հեծելազորային դասընթացները (1922), Մոսկվայի ժուկովսկու անվ. ռազմաօդային ակադեմիան(1936):
1917-ի դեկտեմբերից ծառայել է Կարմիր գվարդիայում:
1918-ին մասնակցել է Բաքվի պաշտպանությանը (այստեղ էլ ընդունել է իր զոհված հրամանատարի ազգանունն ու անունը՝ Խուդյակով Ս.Ա.):

Քաղաքացիական պատերազմի ժամանակ Ուկրաինայում եղել է դասակի և էսկադրոնի հրամանատար, 1924-28-ին՝ գնդի դպրոցի պետ,
1928-31-ին՝ հեծյալ գնդի շտաբի պետ,
1936-37-ին՝ Բելոռուսիայում ավիաբրիգադի շտաբի օպերատիվ բաժնի պետ,
1937-38-ին՝ ռազմաօդային ուժերի շտաբի օպերատիվ բաժնի պետ,
1938-40-ին՝ ռազմաօդային ուժերի թիկունքի ղեկավարման պետ,
1940-41-ին՝ Բելառուսական հատուկ ռազմական օկրուգի ՌՕՈւ շտաբի պետ:

Հայրենական պատերազմի (1941-45) ժամանակ՝ Արմ. ռազմաճակատի ՌՕՈւ շտաբի պետ,
1942-ի փետրվարին՝ ՌՕՈւ պետ,
1942-ի մայիսից՝ Խորհրդային բանակի ՌՕՈւ շտաբի պետ,
հունիսից՝ 1-ին օդային բանակի հրամանատար,
1943-ի մայիսից՝ խորհրդային բանակի ՌՕՈւ շտաբի պետ և հրամանատարի տեղակալ:

ԱՐՄԵՆԱԿ ԽԱՆՓԵՐՅԱՆՑի հրամանատարությամբ ավիացիոն միավորումները մասնակցել են Արմ. ռազմաճակատի զորքերի հւսրձւսկող. մարտերին:
1943-ին համակարգել է Վորոնեժի և Տափաստանային ռազմաճակատների ավիացիայի գործողությունները Կուրսկի և Դնեպրի ճակատամարտերում:
1945-ին, որպես խորհրդային պատվիրակության անդամ, մասնակցել է Յալթայի (Ղրիմի) կոնֆերանսին: 1945-ի հունիսից՝ 12-րդ օդային բանակի հրամանատար, մասնակցել է ճապոնիայի զորքերի ջախջախմանը Հեռ. Արևելքում:

ԱՐՄԵՆԱԿ ԽԱՆՓԵՐՅԱՆՑը զոհ է դարձել անհատի պաշտամունքի շրջանի կամայականություններին: Անհիմն ձերբակալվել է (1945) և գնդակահարվել (1950), հետմահու արդարացվել:

Գրակ.
Кояндер Е., Маршал авиации С.А. Худяков, "Военно-исторический журнал", 1982, № 1.