ARAM SAROYAN / ԱՐԱՄ ՍԱՐՈՅԱՆ

Գործունեությունը` Գրող

Բնակավայրը` ԱՄՆ

Հղումներ` www.aramsaroyan.com
en.wikipedia.org

Գրող

Ծնվ. 25.09.1943թ., Նյու Յորք:

Ուիլյամ Սարոյանի և նրա հրեական ծագումով կնոջ Քերոլ Մարքուսի որդին:

Համարվել է 1960-ականների ամերիկյան ավանգարդիստական քերթության հայտնի դեմքերից, հարել է բիթ ուղղությանը:

Լույս է ընծայել դատարկ էջերով գիրք, «lighght» մեկ բառանող քերթվածը, որի համար ստացել է 750 դոլար հոնորար, մի քանի բառանոց բանաստեղծությունները (ինչպես, «Պաբլո Պիկասո և Կազալս» կամ «Լռություն, լռություն»):

Հրատարակել է նաև «Լայնզ» բանաստեղծական ամսագիրը, «Ընկերներն աշխարհում», «Մեջ» (1965), «Բառեր և լուսանկարներ» (Չիքագո, 1970), «Շոր. էլեկտրական վեպ» (1971), «Փողոցը» (Լենոքս, 1974), «Գրողի կրթությունը» (Մինեապոլիս, 1992) ժողովածուները, «Վերջին ծեսերը. Ուիլյամ Սարոյանի մահը» (1982) և «Ուիլյամ Սարոյան» (1983), «Եռյակը. Ունա Չապլին, Քերոլ Մարքուս, Գլորիա Վանդերբիլթ» (1985), «Մնացյալը» (1986), «Ռոմանտիկը» (1988) գրքերը:

Կինը նկարչուհի Գեյլին Մքքլանահան Սարոյանն է. ունեն երեք զավակ. Քրիմ, Արմենակ և Սթրոբըրի: Վերջինս ուսումնասիրել է հայ ահաբեկչության պատմությունը: