AVETIQ TIGRANAKERTCI / ԱՎԵՏԻՔ ՏԻԳՐԱՆԱԿԵՐՏՑԻ

Գործունեությունը` Գիտնական, Մշակութային գործիչ

Բնակավայրը` Հայաստան

XVII-XVIII դդ. մշակութային գործիչ, մաթեմատիկոս, աստղագետ, տոմարագետ, պատմիչ և գրիչ:

Հայտնի է նաև որպես Ավետիք Ամդեցի, Ավետիք Պաղտասարյան:

Ծննդյան և մահվան թվերն անհայտ են:

Ապրել, սովորել և ստեղծագործել է Արմ. Հայաստանի մի շարք քաղաքներում, ուսումնառության նպատակով եղել Պարսկաստանում, Արաբիայում:

Տիրապետել է բազմաթիվ լեզուների:
1684-1709-ին գրել է աստղագիտ-տոմարագիտ. «Դեֆթեր գիրքը»,
1700-ին՝ «Ոսկեփորիկը»,
1695-1709-ին կազմել է «Ըստուռլապը», որտեղ նկարագրված են աստղաբաշխական զանազան գործիքներ,
1719-ին՝ «Զիճ գիրքը», այնուհետև՝ «Ախտարացոյցը» ևն:
1701-12-ին հայ և օտար պատմիչների երկերի հիման վրա շարադրել է «Աղիւսակապատմագիր» ժամանակագրությունը (աշխարհի արարչագործությունից մինչև 1714-ը), որտեղ արժեքավոր տեղեկություններ կան Հայաստանի XVI- XVII դղ. քաղ. դեպքերի վերաբերյալ:
Փոքր Ասիայի հայաբնակ վայրերի և Կիլիկիայի մասին ականատեսի հավաստի տվյալներ է պարունակում նրա կազմած «Աշխարհացոյցը»:

ԱՎԵՏԻՔ ՏԻԳՐԱՆԱԿԵՐՏՑԻու աշխատությունների ձեռագրերի մեծ մասը գտնվում է Վենետիկի Մխիթարյան- ների մատենադարանում:
Պահպանվում են նրա ժամանակագրության երեք օրինակներ [ձեռ. № 1492 (Ա. Տ-ու ինքնագիրը), 6243, 7424]:

Գրակ.
Ալիշան Ղ., Ավետիք Պաղտասարյան, ընթերցող Տիգրանակերտցի, «Բազմավեպ», 1897, № 7-10: