ԱՍՏՎԱԾԱՏՈՒՐ ՆԵՐՍԵՍՈՎԻՉ

Գործունեությունը` Բառարանագիր

Բնակավայրը` Լեհաստան

Անվանվել է նաև՝ Դեոդատ Ներսեսովիչ, Աստվածատուր Ներսիսյան, Աստվածատուր Լեհացի:
Բառարանագիր, աստվածաբան, մանկավարժ:

Ծնվ. 1647թ., Յազլովեց:
Մահ. 1709թ., Լվով:

Սովորել է Լվովի հայոց պապական դպրանոցում (1665-68):
Գրել է իտալերեն և հայերեն:
Եղել է Տրայանուպոլսի Եպիսկոպոս,
1681-86-ին՝ լեհահայոց թեմի առաջնորդ, տեղապահ,
1698-1709-ին՝ առաջնորդ:
Ուշագրավ է ԱՍՏՎԱԾԱՏՈՒՐ ՆԵՐՍԵՍՈՎԻՉի «Բառգիրք լատինացւոց եւ հայոց ի վերայ Աստուածաշունչ եւ ժամակարգութեան գրոց Հայոց եկեղեցւոյն» (1695) բառարանը՝ 17500 բառահոդվածով:
1684-ին լեհաստանում լույս է տեսել ԱՍՏՎԱԾԱՏՈՒՐ ՆԵՐՍԵՍՈՎԻՉԻ ներբողական ճառը՝ նվիրված թուրքերի դեմ լեհերի տարած հաղթանակին (1683):
Ալոյիսիոս Պիդուի «Սրբուհի Պուլքերիա» լատ. ողբերգության համար 1668-ին լեհ. գրել է միջախաղեր՝ նախերգանքով ու վերջաբանով:
Վերանայել և լրացրել է լատ. ծիսարանի հայերեն թարգմանությունը, լատիներենից լեհերեն է թարգմանել Լ. Սկուպոլիի «Հոգևորական պատերազմ» աշխատությունը:
Ունի հայերեն աստվածաբանական անտիպ աշխատություններ («Վիճաբանութիւնք աստուածաբանութեան», «Ծանօթութիւնք բարոյականից աստուածաբանութեանց», «Արդարացութիւն եկեղեցւոյն հայոց»: