PILARTOS VARAJNUNI / ՓԻԼԱՐՏՈՍ ՎԱՐԱԺՆՈՒՆԻ

Կենսագրության նկար
Գործունեությունը` Իշխան
Բնակավայրը` Հայաստան

Իշխան:
Բյուզանդական աղբյուրներում՝ Ֆիլարետոս Վրախամիաս (Վահրամյան):

Ծննդյան թիվն անհայտ է:
Մահ. 1086թ.:

Հավանաբար Վասպուրականում հաստատված Վարաժնունիների նախարարական տոհմից:

Ըստ Ն. Գ. Ադոնցի՝ եղել է Վարդաս Ակլերոսի ապստամբությանը մասնակցած Սահակ-Վահրամ զորավարի սերնդից:

Ծառայության անցնելով բյուզանդական բանակում՝ հասել է դոմեստիկոսի տիտղոսի:

Բյուզանդական կայսր Ռոմանոս IV Դիոգենեսը 1070-ին Խլաթ կատարած արշավանքի ժամանակ ՓԻԼԱՐՏՈՍ ՎԱՐԱԺՆՈՒՆուն է վստահել իր բանակի գլխավոր հրամանատարությունը:

Մանազկերտի ճակատամարտում (1071) բյուզանդացիների պարտությունից հետո ՓԻԼԱՐՏՈՍ ՎԱՐԱԺՆՈՒՆԻն ստեղծել է հայկական ընդարձակ իշխանապետություն (Տավրոսից մինչև Եփրատ)՝ Մարաշ կենտրոնով:

Զինվորական ուժերը համալրելով հայազգի զինվորներով՝ ՓԻԼԱՐՏՈՍ ՎԱՐԱԺՆՈՒՆԻն կարողացել է առժամանակ կասեցնել սելջուկյան թուրքերի առաջխաղացումը դեպի Միջերկրական ծով:

Բյուզանդական կայսրությունը ստիպված ճանաչել է ՓԻԼԱՐՏՈՍ ՎԱՐԱԺՆՈՒՆու իշխանապետությունը՝ նրան շնորհելով սեբաստոսի տիտղոս:

Փոխարենը ՓԻԼԱՐՏՈՍ ՎԱՐԱԺՆՈՒՆին ընդունել է քաղկեդոնականություն:
1073-ին նա փորձել է իրեն ենթարկել նաև Սասունի իշխանությունը, բայց Ալելուա դաշտի (Անձիտ գավառում) ճակատամարտում պարտվել է Թոռնիկ իշխանի զորքերից:

1077-ին ՓԻԼԱՐՏՈՍ ՎԱՐԱԺՆՈՒՆուն հաջողվել է բյուզանդացիներից նվաճել Ուրֆան (Եդեսիա):
Անտիոքի դուքս Վասակ Պահլավունու սպանությունից (1078) հետո տիրել է նաև Անտիոքին:

Ըստ պատմիչ Միքայել Ասորու՝ ՓԻԼԱՐՏՈՍ ՎԱՐԱԺՆՈՒՆու ձեռքն են անցել Կիլիկիայի գրեթե բոլոր ամուր բերդերը:

Ձգտելով լիակատար անկախության՝ 1076-ին Ջհան գավառի Հոնի քաղաքում կաթողիկոս է ձեռնադրել Պետրոս Ա Գետադարձի քեռորդուն՝ Սարգսին:

1083-ից ՓԻԼԱՐՏՈՍ ՎԱՐԱԺՆՈՒՆու իշխանապետությունն սկսել է թուլանալ, սելջուկյան թուրքերը շուտով զավթել են Ադանան, Տարսոնը, Մսիսը (Մամես տիա), Անազարբան, Անտիոքը:
Պահպանվել են ՓԻԼԱՐՏՈՍ ՎԱՐԱԺՆՈՒՆու արճճե կնիքները:

Գրակ.
Միխայել Ասորի, ժամանակագրութիւն, Երուսադեմ, 1871:
Հովհաննես Սկիլիցես, Համառոտություն պատմությանց, Ծ., 1979 (Օտար աղբյուրները Հայաստանի և հայերի մասին 10, Բյուգանդական աղբյուրներ 3):
Մատթեոս Ուռհայեցի, ժամանակագրություն, Ծ., 1991:

Anunner.com - Ճանաչենք Հայ Մեծերին
Դեպի վեր
ՈՒՇԱԴՐՈՒԹՅՈՒՆ
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :

• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:

• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 1280
Կարծիքներ և մեկնաբանություններ
Նախորդ տեսանյութերը (25)
Հարցազրույցի նկար

«Ցեղի կանչը». Գագիկ Գինոսյան

05.04.2016 | Տեսանյութ
Ձեր ուշադրությանն ենք ներկայացնում «Անուններ» հայագիտական նախագծի և «Խարույկ» արշավական ակումբի հետ համատեղ նկարահանված «Ցեղի կանչը» վերլուծական հաղոր
Հարցազրույցի նկար

ԺԻՐԱՅՐ ՇԱՀՐԻՄԱՆՅԱՆ

01.06.2014 | Հարցազրույց
Anunner.com-ի հյուրն է ԺԻՐԱՅՐ ՇԱՀՐԻՄԱՆՅԱՆ
Հարցազրույցի նկար

ՏԻԳՐԱՆ ՀԱՄԱՍՅԱՆ

12.05.2013 | Հարցազրույց
Իմ երազանքն է ունենալ հայկական խումբ, նվագել հայ բարձրակարգ երաժիշտների հետ:
+Առաջարկեք Ձեր հյուրին Բոլոր տեսանյութերը...
Վերջին ավելացված կենսագրությունը
l
Կենսագրության նկար ՄՀԵՐ ՄԿՐՏՉՅԱՆ (Ֆրունզիկ) ՄՈՒՇԵՂԻ Դերասան: ՀԽՍՀ (1971), ՎԽՍՀ (1980), ԽՍՀՄ (1984) Ժողովրդական արտիստ: Ավելին...
r
Մենք սոց. ցանցերում
ՁԵՐ ՀՈԴՎԱԾԸ ՄԵՐ ԿԱՅՔՈՒՄ
© "5165m" studio
top
top
font
color
bott