ՆԻԿՈԼԱՅ ԵՆԻԿՈԼՈՊՈՎ (ԵՆԻԿՈԼՈՊՅԱՆ) ՍԵՐԳԵՅԻ

Կենսագրության նկար
Գործունեությունը` Գիտնական
Բնակավայրը` Ռուսաստանի Դաշնություն

Ֆիզքիմիկոս: Քիմիական գիտությունների դոկտոր (1960), պրոֆեսոր (1961):
ԽՍՀՄ ԳԱ ակադեմիկոս (1976, թղթ. Անդամ՝ 1966-ից):
ԽՍՀՄ պատվավոր քիմիկոս (1984):

Ծնվ. 13.03.1924թ., Ստեփանակերտ:
Մահ. 22.01.1993թ., Հեյդելբերգ (Գերմանիա), թաղված է Մոսկվայում:

Ավարտել է ԵՊԻ (1945):

1946-81-ին աշխատել է ԽՍՀՄ ԳԱ քիմիական ֆիզիկայի ինստիտուտում,
1953-93-ին, միաժամանակ՝ դասախոսել Մոսկվայի ֆիզիկատեխնիկական ինստիտուտում (1982- ից՝ բարձր ամրության պոլիմերային համակարգերի ֆիզիկայի ամբիոնի վարիչ),
1981-93-ին՝ Սինթետիկ պոլիմերային նյութերի ինստիտուտի (1998- ից՝ Ն. Մ. Ենիկոլոպովի անվ.) տնօրեն:

Աշխատանքները վերաբերում են ածխաջրածինների օքսիդացման շղթայական և իոնական պոլիմերման ռեակցիաների կինետիկայի և մեխանիզմի, մակրոմոլեկուլների առաջացման և փոխարկումների վրա ֆիզիկական ազդակների ներգործության հարցերին:

Մշակել է այլասերված, ճյուղավորված պոլիմերմսսն շարժընթացների քանակական տեսության հիմունքները:

Հայտնաբերել է (1961) աճող շղթայի և մակրոմոլեկուլի օղակների փոխազդեցության ընթացքում շղթայի կտրմամբ շղթայի փոխանցման տարրական ակտը:

Ստեղծել է պինդֆազային անիզոտրոպ պոլիմերման տեսությունը և հայտնագործել (1966) բարձր ճնշման և սահքի ձևախախտման պայմաններում օրգանական նյութերի պինդֆազային պոլիմերման օրինաչափությունը:

Մշակել է լցոնված պոլիմերային նյութերի ստացման ժամանակակից տեխնոլոգիա, որով հնարավոր է դարձել ստեղծել բարձրակայուն և կառուցվածքային բարձրամոդուլային պոլիմերային նյութերի նոր դաս:
Հայտնագործել է պինդ մարմինների առաձգական ձևախախտմամբ քայքայման, ճնշման տակ պոլիմերային դիէլեկտրիկների էլեկտրահաղորդիչ մասնիկներից էլեկտրոնների ներարկման (ինժեկցիայի) խթանման (1981) երևույթները և առաջարկել էլեկտրահաղորդիչ պոլիմերային նյութերի ստացման նոր եղանակ:

Նրա հայտնագործությունների և հեղինակային իրավունքների մի մասն արտոնագրված է ԱՍՆ-ում, Ճապոնիայում, Ֆրանսիայում, Իտալիայում:

ԽՍՀՄ ԳԱ ընդհանուր և տեխնիկական քիմիայի բաժանմունքին կից բարձրամոլեկուլային միացությունների գծով գիտական խորհրդի (1968-93),

Ռուսաստանի գիտության և տեխնիկայի կոմիտեին կից ժող. տնտեսության մեջ պոլիմերների օգտագործման գիտխորհրդի (1972-93) նախագահ:

ԽՍՀՄ և արտասահմանյան բազմաթիվ կոմիտեների և կազմակերպությունների անդամ:

Պարգևատրվել է

Լենինյան (1980),
Վ.Ա. Կարգինի (1984),
Զինաթափման միջազգային ընկերության և համաշխարհային լաբորատորիայի միջազգային «Ոսկե գայլ» մրցանակներներով, Լենինի (1981) և այլ շքանշաններ ու մեդալներով:

Երկեր.
Химия и технология полиформальдегида, М., 1968 (համահեղինակ);
Межцепной обмен в полимерах, М., 1975 (համահեղինակ);
Кинетика полимеризационных процессов, М., 1978 (համահեղինակ);
Сетчатые полимеры. Синтез, структура, свойства, М., 1979 (համահեղինակ);
Расчеты высокоэффективных полимеризационных процессов, М., 1980 (համահեղինակ); Металлопорфирины, М., 1988 (համահեղինակ).

Գրակ.
Николай Сергеевич Ениколопов, 1924 -1993, М., 1994.

Anunner.com - Ճանաչենք Հայ Մեծերին
Դեպի վեր
ՈՒՇԱԴՐՈՒԹՅՈՒՆ
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :

• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:

• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 1964
Կարծիքներ և մեկնաբանություններ
Նախորդ տեսանյութերը (25)
Հարցազրույցի նկար

«Ցեղի կանչը». Գագիկ Գինոսյան

05.04.2016 | Տեսանյութ
Ձեր ուշադրությանն ենք ներկայացնում «Անուններ» հայագիտական նախագծի և «Խարույկ» արշավական ակումբի հետ համատեղ նկարահանված «Ցեղի կանչը» վերլուծական հաղոր
Հարցազրույցի նկար

ԺԻՐԱՅՐ ՇԱՀՐԻՄԱՆՅԱՆ

01.06.2014 | Հարցազրույց
Anunner.com-ի հյուրն է ԺԻՐԱՅՐ ՇԱՀՐԻՄԱՆՅԱՆ
Հարցազրույցի նկար

ՏԻԳՐԱՆ ՀԱՄԱՍՅԱՆ

12.05.2013 | Հարցազրույց
Իմ երազանքն է ունենալ հայկական խումբ, նվագել հայ բարձրակարգ երաժիշտների հետ:
+Առաջարկեք Ձեր հյուրին Բոլոր տեսանյութերը...
Վերջին ավելացված կենսագրությունը
l
Կենսագրության նկար ՄՀԵՐ ՄԿՐՏՉՅԱՆ (Ֆրունզիկ) ՄՈՒՇԵՂԻ Դերասան: ՀԽՍՀ (1971), ՎԽՍՀ (1980), ԽՍՀՄ (1984) Ժողովրդական արտիստ: Ավելին...
r
Մենք սոց. ցանցերում
ՁԵՐ ՀՈԴՎԱԾԸ ՄԵՐ ԿԱՅՔՈՒՄ
© "5165m" studio
top
top
font
color
bott