XACHENIK ANECI / ԽԱՉԵՆԻԿ ԱՆԵՑԻ

Գործունեությունը` Քանդակագործ

Բնակավայրը` Հայաստան

Ճարտարապետ, խաչքարեր կազմող քանդակագործ:

Ծննդյան և մահվան թվերն անհայտ են:

Գործերը պահպանվել են Արցախի Վարանդա Գավառի Հացի և Նորշեն գյուղերի (այժմ՝ ԼՂՀ Մարտունու շրջանում) միջև գտնվող «Բռի եղցի» կոչվող վայրում՝նույնանուն համալիրում:

ԽԱՉԵՆԻԿ ԱՆԵՑԻն XIII դ. կառուցել է առանձին կանգնած փոքրիկ եկեղեցի և բլրի ստորոտում կերտել երեք որմնափակ խաչքարերից հվ. կողմինը:

ԽԱՉԵՆԻԿ ԱՆԵՑԻն հարազատ է մնացել Անիի ճարտարապետական դպրոցին բնորոշ՝ հուշարձանների ճակատը մշւսկելու արտահայտչականությանը, խճանկարի տեխնիկայով տեղադրել բազմազան զարդապատկերներով սալիկներ:

Հս. հուշկապարիկի մոտ ագուցված սալաքարին ԽԱՉԵՆԻԿ ԱՆԵՑու արձանագրություն-հիշատակությունն է:
ԽԱՉԵՆԻԿ ԱՆԵՑու կառուցած որմնափակ խաչքարը XIII դ. տարածված նման հուշարձանների լավագույն նմուշներից է և ամենամեծերից:
Որմնափակի շրջանակի հս. ստորին մասում պահպանվել է ճարտ-վարդպետ-քանդակագործի արձանագրությունը: