GRIGOR G PAHLAVUNI / ԳՐԻԳՈՐ Գ ՊԱՀԼԱՎՈՒՆԻ

Կենսագրության նկար
Գործունեությունը` Կրոնական գործիչ
Բնակավայրը` Հայաստան

Ծնվ. մոտ 1093թ., Տլուք գավառի Ծովք դղյակ:
Մահ. 1166թ, Հռոմկլա (Կիլիկիայում):

Ամենայն հայոց կաթողիկոս 1113-ից:

Հաջորդել է Բարսեղ Ա Անեցուն:

Ուսանել է Կիլիկիայի Սև լեռան Քեսունի Կարմիր վանքում (1105-16-ին՝ կաթողիկոսանիստ):

Պատանեկան տարիքում, Գրիգոր Բ Վկայասէրի կտակով, Բարսեղ Ա Անեցին նրան ձեռնադրել է եպիսկոպոս:

Օծվելով կաթողիկոս՝ շարունակել է Պահլավունի հայրապետների եկեղեցական քաղաքականությունը:

Պատճառաբանելով ԳՐԻԳՈՐ Գ ՊԱՀԼԱՎՈՒՆու երիտասարդ տարիքը՝ Պահլավունիների հակառակորդներն Աղթամարում հակաթոռ կաթողիկոս են ձեռնադրել Դավիթ Ա-ին՝ սկզբնավորելով Աղթամարի հակաթոռ կաթողիկոսությունը (1113-1895):

ԳՐԻԳՈՐ Գ ՊԱՀԼԱՎՈՒՆին կաթողիկոսական աթոռը Քեսունի Կարմիր վանքից 1116-ին տեղափոխել է Ծովք, իսկ 1149-ից՝ Հռոմկլա:

XII դ. 20-30-ական թթ. ԳՐԻԳՈՐ Գ ՊԱՀԼԱՎՈՒՆԻն բանակցություններ է սկսել բյուզանդական կայսր Հովհաննես II Կոմնենոսի հետ՝ փորձելով նրան հետ պահել Կիլիկիայի հայկական իշխանության և Հայ եկեղեցու դեմ ծրագրված գործողություններից:

Նամակագրական կապեր է ունեցել Ոնորիոս II, Իննոկենտիոս II և Եվգենիոս III պապերի հետ:

1139-41-ին մասնակցել է Հռոմի պապի Արևելք ուղարկած լեգատ (լիազոր ներկայացուցիչ) Ալբերիկ Օստրացու հրավիրած Անտիոքի և Երուսաղեմի եկեղեցական ժողովներին:

Այս ջանքերի շնորհիվ՝ Հռոմի եկեղեցին ԳՐԻԳՈՐ Գ ՊԱՀԼԱՎՈՒՆուն իր պաշտոնական գրություններում դիտել է որպես Արևելքում գործող քույր եկեղեցու առաջնորդ, առաջինը՝ հավասարազոր աթոռների շարքում:

ԳՐԻԳՈՐ Գ ՊԱՀԼԱՎՈՒՆուն հաջողվել է ամրապնդել կաթողիկոսական իշխանությունը բուն Հայաստանում և նրա սահմաններից դուրս՝ Եգիպտոսում, Բալկաններում, Փոքր Ասիայում և Ասորիքում:

1149-ից կրտսեր եղբոր՝ Ներսես Շնորհալու հետ ավելի շատ զբաղվել է Հայ եկեղեցու ներքին գործերով, պայքարել աղանդավոր, և պառակտող, միտումների դեմ:

Գահակալության վերջին տարիներին եկեղեցիների միության նպատակով բյուզանդական Մանուել I կայսեր հետ սկսել է բանակցություններ, որոնք շարունակվել են իրենից հետո:

ԳՐԻԳՈՐ Գ ՊԱՀԼԱՎՈՒՆին գրել է շարականներ, տաղեր:

Հետևելով Գրիգոր Բ Վկայասերին՝ թարգմանել կամ ուրիշներին է հանձնարարել վկայաբանությունների թարգմանությունը և կարգադրել, որ սրբերի նախատոնակներին եկեղեցիներում կարդացվեն նրանց վարքերը:

Նրան կոչել են Գրիգոր Փոքր Վկայասէր:

ԳՐԻԳՈՐ Գ ՊԱՀԼԱՎՈՒՆու հանձնարարությամբ է Սամվել Անեցին գրել իր «Հաւաքմունք ի գրոց պատմագրաց» ժամանակագրութունը, Ներսես Շնորհալին՝ իր մի շարք երկերը:

Կաթողիկոսական գահին ԳՐԻԳՈՐ Գ ՊԱՀԼԱՎՈՒՆուն հաջորդել է Ներսես Դ Կլայեցին (Ներսես Շնորհալի):

Գրակ.
Բոգոյան Ա., Հռոմի պապ Իննոկենտիոս Բ-ի թուղթը՝ ուղղված Հայոց կաթողիկոս Գրիգոր Գ Պահլավունուն, «էջմիածին», 1999, № 3:

Anunner.com - Ճանաչենք Հայ Մեծերին
Դեպի վեր
ՈՒՇԱԴՐՈՒԹՅՈՒՆ
• ՀՈԴՎԱԾՆԵՐԸ ՄԱՍՆԱԿԻ ԿԱՄ ԱՄԲՈՂՋՈՒԹՅԱՄԲ ԱՐՏԱՏՊԵԼՈՒ ԿԱՄ ՕԳՏԱԳՈՐԾԵԼՈՒ ԴԵՊՔՈՒՄ ՀՂՈՒՄԸ www.anunner.com ԿԱՅՔԻՆ ՊԱՐՏԱԴԻՐ Է :

• ԵԹԵ ԴՈՒՔ ՈՒՆԵՔ ՍՈՒՅՆ ՀՈԴՎԱԾԸ ԼՐԱՑՆՈՂ ՀԱՎԱՍՏԻ ՏԵՂԵԿՈՒԹՅՈՒՆՆԵՐ ԵՎ
ԼՈՒՍԱՆԿԱՐՆԵՐ,ԽՆԴՐՈՒՄ ԵՆՔ ՈՒՂԱՐԿԵԼ ԴՐԱՆՔ info@anunner.com ԷԼ. ՓՈՍՏԻՆ:

• ԵԹԵ ՆԿԱՏԵԼ ԵՔ ՎՐԻՊԱԿ ԿԱՄ ԱՆՀԱՄԱՊԱՏԱՍԽԱՆՈՒԹՅՈՒՆ, ԽՆԴՐՈՒՄ ԵՆՔ ՏԵՂԵԿԱՑՆԵԼ ՄԵԶ` info@anunner.com:
Դիտումների քանակը: 2451
Կարծիքներ և մեկնաբանություններ
Նախորդ տեսանյութերը (25)
Հարցազրույցի նկար

«Ցեղի կանչը». Գագիկ Գինոսյան

05.04.2016 | Տեսանյութ
Ձեր ուշադրությանն ենք ներկայացնում «Անուններ» հայագիտական նախագծի և «Խարույկ» արշավական ակումբի հետ համատեղ նկարահանված «Ցեղի կանչը» վերլուծական հաղոր
Հարցազրույցի նկար

ԺԻՐԱՅՐ ՇԱՀՐԻՄԱՆՅԱՆ

01.06.2014 | Հարցազրույց
Anunner.com-ի հյուրն է ԺԻՐԱՅՐ ՇԱՀՐԻՄԱՆՅԱՆ
Հարցազրույցի նկար

ՏԻԳՐԱՆ ՀԱՄԱՍՅԱՆ

12.05.2013 | Հարցազրույց
Իմ երազանքն է ունենալ հայկական խումբ, նվագել հայ բարձրակարգ երաժիշտների հետ:
+Առաջարկեք Ձեր հյուրին Բոլոր տեսանյութերը...
Վերջին ավելացված կենսագրությունը
l
Կենսագրության նկար ՄՀԵՐ ՄԿՐՏՉՅԱՆ (Ֆրունզիկ) ՄՈՒՇԵՂԻ Դերասան: ՀԽՍՀ (1971), ՎԽՍՀ (1980), ԽՍՀՄ (1984) Ժողովրդական արտիստ: Ավելին...
r
Մենք սոց. ցանցերում
ՁԵՐ ՀՈԴՎԱԾԸ ՄԵՐ ԿԱՅՔՈՒՄ
© "5165m" studio
top
top
font
color
bott